Shillong, Rymphang 12: Ha kawei ka jingjia kaba pynkyndit ia baroh, uwei u samla ula shah pyniap hala u jong ki Kni bad lai ngut kiwei pat ha ka thain Eastern West Khasi Hills.
Kane kala jia ha ka shnong Nongthymmai kaba don ha Eastern West Khasi Hills district bad la kynnoh ba ki riew thrang snam kila dain iaka met u samla hashuwa ban bret ha kawei ka wah kaba don hajan katei ka jaka.
Ki pulit ka Mairang Police Station ki la kem ia 3 ngut ki briew kynthup ia u kni.
La iathuh ba une samla udei uba la tip kyrteng u Kerang Sawkmie bad u la mih na iing ha ka 6 tarik Rymphang ban leit trei ha kawei ka khlaw kaba don marjan hynrei u khlem wan phai iing shuh.
Ki bahaïing namar ka jing bym wanphai iing shuh, ki la leit ban wad ïa u bad hadien ba kim shym la, ki la ujor da ejahar ha Mairang Police Station ha ka 9 tarik Rymphang.
Katkum ka jingïathuh kiba haïing hasem, ki pulit ki la kem ïa 4 ngut kiba suba donkti, kynthup ïa ki 2 ngut ki kni jong u samla.
Ha ka jingtohkit, la kynnoh ba uwei na ki nongshah kynnoh u la phla ia katei ka kam, da kaba pynpaw ba la pyniap ia une u samla bad kila dain iaka met hashuwa ban bret ha kawei ka thwei kaba don hapoh ka shnong Nongthymmai.
Ha ka 10 tarik Rymphang, ki pulit ki la hiar sha katei ka jaka ban pynlong ia ka jingtohkit bad ban lum ia ki sabut bad ka kynhun Forensic Crime Scene Unit ruh ka la leh ia ki eksamin ha katei ka jaka.
Ki briew jong ka Search and Rescue Team (SRT) ki la pynlong ia ka jingwad da kaba ngam shapoh ka thwei hynrei haduh mynta kim pat lap iaka met u samla ba shem lanot.
Ka jingwad ka la bteng haduh mynta ka sngi ban lap ia ka met iap jong u samla ba suba shah pyniap.
