Shillong, Lber 26 : U President ka Hynniewtrep Youth Council (HYC) samla Roykupar Synrem ha ka sngi Palei, ula leit hajir hakhmat ki Pulit ka Lumdiengjri Police Station ban shah tohkit halor ka suo motu ejahar bala register pyrshah ia u halor ka jingkren ia ki kyntien ‘pynshit Jaidbynriew’ ha ka rally ba long ha ka 11 tarik Lber.
Kane ka rally, kaba la pyniaid da ka Confederation of Meghalaya Social Organisations (CoMSO), ka dei kaba la pynlong ha Motphran ban pynpaw ia ka jingiadonlang ryngkat bad ki paid Garo ha ka jingiakhih pyrshah ia ka jingioh iashimbynta ki bar jylla ha ka elekshon Garo Hills Autonomos District Council (GHADC).
Ka jingkren u samla Roykupar, kaba la kynnoh pynsaphriang ha ki social media, ki don ia ki kyntien kiba ki Pulit ki kam ba ki lah ban wanrah ia ka jingiakynad pher niam bad ktah ia ka shongsuk shongsain ha ka Jylla.
Ka ejahar bala mudui da u Sub Inspector M Khardewsaw, ka kynnoh ba ki jingkren u samla Roykypar,”Lada ki para Garo ki donkam ia ngi, ngi long kiba la khreh ban iakhun ha ryngkat bad ki” bad ka jingpynpaw ban iarah tiar, kaba lah ban shim kum ka jingpynshit.
Haba kren sha ki nongthoh khubor, u Samla Roykupar ula pynshai ba ia ki jingkren jong u la shim shabar jong ka jingmut bad ba ula pynpaw tang ia ka jingiadon ryngkat bad ki paid Garo.
“Nga la pynpaw ba ngin iarah tiar, hynrei ka dei ha ka nongrim ba ngin iakhun ha syndah bad ki para na Garo, ym ban pynshit ia ka jingiaumsnam” ula ong.
U samla Roykupar ula pynpaw ia ka jingsngewkhia halor ka jingjied ia ki kyntien jong ka jingkren jong u ban thep ha ki social media bad ong “Mano ba pynsaphriang ia ka bynta jong ka jingkren jong nga ha social media, Ngam tip satia. Hynrei nga kubur ba nga la kren ia kine ki kyntien bad ka dei ha ka nongrim ban iada ia ka hok ki trai ri trai muluk”.
Ki Pulit kila register ia ka case hapoh ka kyndon 196 (1) jong ka IPC ba iadei bad ka jingkynshoit ia ka jingsngew iapher Jaidbynriew.
U samla Roykupar ula kyntu ia ki Pulit ba kin pyntreikam ia ka Article 14 jong ka Riti Synshar ka Ri, kaba pynthikna ia ka jinglong markumjuh hakhmat ka Ain, bad ban leh eiei pyrshah ia kito kiba kynthoh pynthohbria pyrshah ia ki jaidbynriew trai ri trai muluk.
“Ka ain ka long kumjuh ia baroh, bad ym dei ban shu jied haba phai sha ngi” ulaong “Lada ngi ujor ehajar pyrshah ia kiwei, ka Tad Pulit ka dei ban leh eiie pyrshah ia ki kat kum ka ain” ula ong.
 samla Roykupar Synrem ha ka sngi Palei, ula leit hajir hakhmat ki Pulit ka Lumdiengjri Police Station ban shah tohkit halor ka suo motu ejahar bala register pyrshah ia u halor ka jingkren ia ki kyntien ‘pynshit Jaidbynriew’ ha ka rally ba long ha ka 11 tarik Lber.){kind=link}