Shillong, Nailar 24: U Myntri Rangbah ka Jylla Conrad Kongkal Sangma hynne ka sngi Balang ula pyniaid ia ka jingialang ba 23 jong ka Rajya Sainik Board bala pynlong ha Conference Room jong ka Meghalaya Secretariat.
Held meeting with members of the Rajya Sainik Board to discuss matters related to the welfare of Ex-Servicemen@rajnathsingh pic.twitter.com/NFjcp7ZKUM
— Conrad Sangma (@SangmaConrad) August 24, 2022
U Myntri Rangbah haba ai khublei ia ka Directorate of Sainik Welfare kaba la trei shitom ban khmih ia ka bha ka miat ki shipai ba la shongthait bad ki kurim ki shipai ba la iap, u la ong ba ka sorkar ka angnud ban iarap bha ia ki shipai ba la shongthait bad ban pyndonkam bha ia ki na ka bynta ka jingmyntoi ka Jylla.
“Ka Sorkar kan sa khmih ia ki jingeh bala pynsngew bad ngi la kut jingmut ban leh eiei naka bynta ka bha ka miat ki shipai bala shongthait bad ia ki kurim ki shipai ba la iap bad ki Khun ki kti jong ki” ong u Conrad.
Kane ka jingialang ka la iakren ruh ia ki mat ba donkam kum ka jingtei ia ka Sainik Rest cum Office Complex ha Shillong, ka jingseng ia ka ECHS Polytechnic ha Tura, ban pynkiew ia ka Cash Grant sha ki Nongjop jong ka Gallantry & Distinguished Award ka Jylla, ban seng ia ka Sainik School ha Jylla bad ka jingpynkha ia ka Welfare Organizers ha Jowai bad Baghmara.
Ha kane ka jingialang la wan iashimbynta ruh da u Chief Secretary ka Jylla Bah D.P.Wahlang, Air Marshall DK Patniak, AOC-in-C Eastern Air Command, Major General R Amar, COS HQ 101 Area bad kiwei kiwei.
