Guwahati, Nailar 24 : Uwei u lehnoh jong ka kynhun seng kaba dang shu thaw thymmai ha Karbi Anglong, Assam ula ngat ha ka jingmynsaw hadien ka jingshah siat ha ki pulit ka Assam hynne ka sngi Balang.
Na ka liang u SDGP, u GP Singh ula iathuh ba kane ka kynhun seng lehnoh ka dei kaba la tip kyrteng kum ka National Socialist Council of Karbi Anglong (NSCKA).
Ia kane ka kynhun la thaw da ki hynniew ngut ki khynnah shynrang na Karbi Anglong, kata hadien ba kila thied ia ki laitylli ki pistorl bad shim ia ka rai ban thaw da ka kynhun kieng atiar.
Ki bor pulit kila ioh jingtip kaba bniah halor ka jingdon jong kane ka kynhun seng lehnoh Karbi hadien ba kila pynlong ka jingkhynra hapoh kawei ka jaka khlaw bad ioh ban kem noh ia hynriew ngut na kajuh ka jaka.
Ia u nongsylla ba hakhmat eh jong kane ka kynhun la tip kyrteng kum u Pabitra Teron uba la ngat ha ka jingmynsaw hadien ba ula pyrshang ban phet krad na ki pulit.
Ki pulit hadien ba kila ioh ban kem lut ia baroh, kila ong ba kila lah ban pynduh pyndam syndon ia kane ka kynhun kieng atiar.Haduh mynta kila ioh ban kurup noh ia laitylli ki pistol bad 21 tylli ki kuli na katei ka jaka.Ka jingtohkit ia kine ka dang iaid shakhmat.
