Shillong, Risaw 11 : Ki Pulit ka Ri-Bhoi, kila lah ban tehlakam ia ka jingjia ba shyrkhei ha Iew Umsning ha ka sngi Saitjain, da ka jinglap bad lah pyniap ia ka bor treikam jong u bomb Improvised Explosive Device (IED) uba la buh da ki runar ban pynbthei ha kane ka Iew.
Kat kum ka jingiathuh u Superintendent of Police Ka Ri-Bhoi, V Rathore, ki Pulit kila ioh ia ka jingtip ha ka por 7:30 baje jong ka janmiet sngi Saiatjain halor ka jingdon jong kawei ka pla ba suba don bomb ha kawei ka jaka hapoh ka Iew.
Haba shimkhia mar mar ia kane ka jingtip, ki Pulit kila leit ban kerkut ia kane ka jaka bad kila lap shisha ia ka pla hapoh ka jaka kaba don hakhmat ka Meghalaya Rural Bank.
Ka kynhun Bomb Detection and Disposal Squad (BDDS) bad ka kynhun K-9, kila leit wut wut sha katei ka jaka bad kila pyn thikna ia ka jingdon u bomb ha kane ka pla.
Da ka jingtbit jong ka kynhun BDDS, la lah ban pyniap ia ka bor treikam jong une u IED.
“Kajingtohkit ka pyni ba ia une u IED la shna da kaba pyndonkam haduh 4.7 kilo u gelatine kum u bomb, 10 tylli ki detonator bad kumba 50 tylli ki nar rot barit baria. Ia kine ki mar baroh la kurup noh bad la kit noh sha ka jaka ba shngain” ong u Rathore.
Ki Pulit kila register ia ka case halor kane ka jingjia bad ka jingtohkit mynta kala iaid shakhmat.
“Ngi la ithuh ia uwei u briew ba suba donkti bad ka kynhun Pulit kala pynlong ia ka jingthwet ban iohkem ia u” ula bynrap.
Donbok, ba une u bomb u khlem pat bthei bad ki mynsiem briew kila lait nalor ki nongkynti.
 uba la buh da ki runar ban pynbthei ha kane ka Iew.){kind=link}