spot_img

Pynbna ka UDP ia u Bah Remington kum u kyrtong na Mawkynrew ha ka elekshon 2023

Date:

Share post:

Shillong, Jylliew 14: Ka United Democratic Party ha ka sngi Nyngkong ka la pynbna ia u bah Remington Pyngrope, MLA barim, kum u kyrtong ka party ban aireng ha kane ka elekshon MLA ha u 2023 na Mawkynrew Constituency.

Shwa kane, na ka liang u President ka Party, Bah Metbah Lyngdoh ryngkat ki nongialam jong ka party ki la pynlong ruh ka jingpdiang burom ia utei u rangbah uba la jop haduh ar sien kum u MLA na ka tiket UDP bad shisien pat kum u MDC jong ka party.

Na ka liang u Bah Metbah ba dei ruh u Lamphang ka Iing Dorbar haba kren ha kane ka sngi u la ong ba ki kmen haduh katta katta ba sa shisien pat ki la ioh ban khring biang ia u Bah Reming sha ka party bad ruh ban long u kyrtong jongka party ha ka elekshon ban wan.

“Ngam kwah shuh ban kynmaw ia kaei kaba la jia ha u 2018 kaba la pynlong ia u Bah Reming ban mih bad iakhun noh na kawei pat ka party,” ong u President ha ka jingialang kaba heh bha kaba long ha Madanusam.

U Bah Reming pat ha ka jingkren u la ong ba shwa ba un mih noh na ka NPP bad iasoh sha ka UDP u la dep ban da ia syllok sani bha bad ki nongkyrshan. “Dei ki nongkyrshan jongnga hi kiba kwah ba ngan phai biang sha ka party kaba la pynjop ianga la arsien ha ka elekshon MLA,” la ong u Bah Reming.

Ha kane ka sngi la donlang ruh naduh u Vice President ka Party Bah AF Dkhar, nangta ka President Women’s Wing Kong P Kharpyngrope bad kiwei kiwei.

Kumban shu phaidien hangne, u Bah Remington u la jop haduh arsien kum u MLA na katei ka thaiñ hynrei ha u 2018 pat u la leit ban pynïasoh noh sha ka NPP bad ïakhun na katei ka party bad shah rem.

Share post:

spot_img
spot_img

Popular

More like this
Related

Centre introduces FASTag-based annual toll pass of Rs 3000 for private vehicles

Shillong, June 18: In a major step toward simplifying...

Weng noh ki pulit ia ka jingkhang ban iaid kali na Jingkieng Umshyrpi

Shillong, Jylliew 18: Ki Pulit ka East Khasi Hills,...

Assam | Khyllem ka jingkieng ba dang shu dep shna ha surok Silchar-Kalain ba iaid ki trok ba kit palat pud

Guwahati, Jylliew 18: Kawei ka jingkieng kaba dang shu...