Shillong, Apr 11: Ka Shillong Cricket Academy kala pynbna ia ka kynhun kaban leit iashimbynta ha ka SC Memorial U-19 Limited Overs Tournament, kaba la pynlong da ka Buds Cricket Club ha NFRSA Ground kaba don ha Maligaon, Assam.
Kane ka jingiakob ialehkai kadei kaba la ioh jingithuh na ka Assam Cricket Association bad ka jingiakhun kaba nyngkong jong ka Shillong Cricket Academy kan long ha ka 14 tarik u Iaiong.
Ki nongialehkai ka SCA ki kynthup ia u Ankit Tamang, Gaurav Jyoti Thakuria, Aditya Singh, Rohit Sharma, Bishesh Chettri, Mewan Kitbok Kharpuri, Sushant Das, Shubham Rasaily, Ashish Kumar Lohar, Prateek Rajjak, Manan Surana, Krishiv Chaudhary, Harish Ahmed, Dipayan Nandi, Rudra Singh Rathore bad arngut ki Coach kiba kynthup ia u Biswajit Dasgupta bad u Md Junaid.
