Shillong, Nov 23: Ka All Meghalaya Karate-do Association (AMKA) kala pynbna ba kan pynlong ia ka 29th State Karate Championship 2023 ha u Nohprah 2023 ha Indoor Stadium kaba don ha Jawaharlal Nehru Sports Complex, Polo Ground.
Ka AMKA ka khmih lynti ba bun ngut ki nongialehkai Karateka naduh kiba dang rit haduh kiba la heh la san, kin wan ban iashimbynta ha katei ka jingiakob kaban long ha ki ar sngi ha ka 15 bad 16 tarik u Nohprah.
Ia katei ka lympung iakob ialehkai la kyrshan da ka Directorate of Sports and Youth Affairs, jong ka sorkar jylla ha kaba ki nongialehkai naduh kiba hapoh ka 10 snem ka rta haduh kiba la heh kin wan ban iashimbynta.
Ha kane ka Championship kan don ka jingiakob haka kyrdan Kumite (sparring) bad Kata (demonstration of form) bad ia ki kyrdan iakhun la phiah katkum ka rta bad ka jingkhia bad ki jingiakhun kin long na ka bynta ka kynhun bad shimet.
Ka Sports Authority of India, Shillong, kala long ka lahduh ha katei ka Championship ha ka snem kaba la dep ha ka liang ki shynrang katba ka AMKA kala long ka lahduh ha ka liang ki kynthei.
