Nongpoh, Naiwieng 23: Ka Dorbar Shnong Saiden, hynne ka sngi Palei, kala iamih paidbah ban iashimbynta ha ka jingpyn khuid ia ka shnong ka thaw ban pynkhreh ia ka jingwan jong ka Khristmas bad u snem Thymmai.
Ki Nongshongshnong naduh ki Khynnah haduh ki Longkmie bad ki Rangbah kila iamih paidbah ban iapynphuid ia ka shnong ka Thaw baroh kawei hapoh ka jingialam u Rangbah Shnong bad ka Executive Committee, da ka thong ban pynneh ia ka jingkhuid jingsuba hapoh ka shnong ka thaw baroh kawei.
Ki paid nongshnongshnong kila pynkhuid paidbah ia ka shnong bad kaba nang pynshit rhem shuh shuh ia kane ka kam ka dei da ka jingshim ka Dorbar Shnong Saiden ia ka sienjam ban pynrhem mynsiem ia ki nongshongshnong da ki jingput jingtem bad ki jingreai Khristmas bala pynsawa ha baroh kawei ka shnong katba ki paidbah ki dang iabunkam ban pynkhuid iala ka shnong ka thaw.
u Bah E.K Lapang, kum u Rangbah Shnong u la pynpaw ia ka jingkmen kaba khraw ba sa shisien pat kumba ju long man la u snem, ki paidbah ki la mih ryntieh ban pynkhuid pynsuba bad pyniphuh ia ka shnong ka thaw ha kine ki bnai bad ki tarik hashwa u bnai Nohphrah bad kum ka shnong ka thrang ban ia don ia ka jingiaieid iatylli bad long kawei ha baroh ki bynta khamtam kum ka roi ka par.
