-->

Hukum ka Iingkashari ban set phatok 6 snem ia u nongkhaii droks

Date:

Share post:

Shillong, Naiwieng 18 :Hynniew snem hadien ka jingshah kem ryngkat bad u heroin bala buhrieh ha ki tin duma bad synduk sabon, u Lucky Chakraborty, ula shah rai pynrem bad ngat ha ka hukum set phatok ba 6 snem bala pynmih da ka Iingkashari Special Judge (NDPS) ha Shillong.

Kat kum ka kyrwoh na u Superintendent of Police ka East Khasi Hills Bah Vivek Syiem ha ka sngi Balang, la ong ba kane ka jingjia kala jia naduh ka 2 tarik Naitung 2019, hadien ba ki Pulit kila ioh khubor ba u Chakraborty u thmu pynpoi ia u heroin.

Haba shimkhia ia ka khubor, ki Pulit kila leit khynra ia ka Iingsah bad ia ka met ka phad jong une u briew bad la ioh ban kurup haduh 5 tylli ki tin duma bad lai tylli ki synduk sabon kiba don ia u powder rong soh stem. Ha ka jingbishar, la test positive ba u dei u heroin, uba khia haduh 39.95 gram.

Advertisement

Ia ka case la register ha Madanrting Police Station hapoh ka kyndon 21(b) jong ka NDPS Act, bad ia une u briew la kem noh da ki Pulit.

Hadien ba pyndep ia ka jingtohkit, u Investigation Officer ula aiti ia ka chargesheet ha ka 16 tarik Nailur 2019, hapoh ka kyndon 21(b) jong ka NDPS Act.

Ha ka 12 tarik Naiwieng, 2026, ka Iingkashari Special Judge (NPDS) E Shabong, kala rai pynsajia ia u Chakraborty bad hukum ban set phatok haduh 6 snem lem bad ka kuna ba T.50,000. La ong ba lada um lah ban siew ia ka kuna, un hap ban shong phatok sa shibnai.

Ia kane ka case la tohkit da u UBSI TM Marak, uba don mynta ha Rynjah Police Station, Shillong.

Share post:

-->
spot_img

Popular

More like this
Related

Ioh bat ka KSU ia 4 ngut ki Bangladeshi | Lap ba siew T.45,000 shi khlieh ia ki agent ban pynrung sha India

Shillong, Naiwieng 18 : Ka Khasi Students’ Union (KSU)-Mawryngkneng...

Iakynduh ka KSU ia ka KJDSTA | Bitar ba sngap mynthi ka Sorkar ia ki jingdawa ki Nonghikai

Shillong, Naiwieng 18 : Ka Khasi Students’ Union - Central...

Kurup ka ANTF ia u heroin ba shongdor T.75 lak na Lumsurvey

Shillong,Naiwieng 18 : Ka kynhun Anti-Narcotics Task Force (ANTF)...