Shillong, Naiwieng 23: Ka Meghalaya kala pynliem ia ka Nagaland da 7 Wiket ha ka Women’s U-15 One Day Trophy kaba la pynlong da ka BCCI ha Kolkata.
Ka Meghalaya Cricket Association kala pyntip ba katei ka jingiakhun hapdeng ka Meghalaya pyrshah ia ka Nagaland kala long ha ka sngi Baar.
Ka Nagaland kala kamai 74 run bad hap 7 wiket haka jingialehkai kaba tang 35 over bad haba ki thei nongialehkai ka Meghalaya kila leit ban tied kila lah ban kamai bad ban pyndep ha ka 15.1 over bad hap tang 3 Wiket.
Ka Diya Biswa jong ka Meghalaya kala ioh khur 3 Wiket, katba ka Jennyfer Fancon bad Dejianna M Sangma kila ioh mar 2 wiket.
Haba ka Meghalaya kala leit ban tied, ka Anastesia Shullai kala kamai 21 run bad kam shym la out, katba ka Zoya Tasneem kala kamai 11.
Ka Meghalaya kala iakhun 4 sien ha katei ka Tournament, ha kaba kala rem 3 sien kynthup hynne ka sngi pyrshah ia ka Delhi bad ka jingiakhun kaba 5 bad kaba khatduh kan long pyrshah ia ka Karnataka ha ka sngi Saitjaiñ.
