Shillong, Nailur 08: U Myntri Rangbah ka Jylla Conrad Kongkal Sangma hynne ka sngi Palei, ula pyllait paidbah ia ka Online Portal jong ka Meghalaya Residents Safety and Security Act (MRSSA), ban pynrung kyrteng noh ia baroh ki trai Iing bad ki briew ba shongwai hapoh ka Jylla.
To ensure enhanced security vetting of the tenants & to ensure the safety & secuity of citizens of the State, we launched the online portal of the ‘Meghalaya Residents Safety & Security Act’ which will be implemented in 7 localities in East Khasi Hills@PMOIndia @AshwiniVaishnaw pic.twitter.com/2jh9H73hFX
— Conrad Sangma (@SangmaConrad) September 8, 2022
The 7 localities include—
Nongrim Hills, Lapalang, Nongrah, Nongmensong, Pohkseh, Raid Laban and Wahdienglieng. Thank the localities for joining hands with us in this initiative. pic.twitter.com/X5dl9F2lku
— Conrad Sangma (@SangmaConrad) September 8, 2022
Ia kane ka Online Portal yn sdang pyntreikam shuwa ha ki hynniew tylli ki kyntoit ka Nongbah Shillong ba kynthup ia ka Nongrim Hills, Lapalang, Nongmynsong, Nongrah, Pohkseh, Riat Laban bad ka Wahdienglieng.
Haba kren ha ka jingialang, u Myntri Rangbah ula ong ba ka jingpyntreikam ia kane ka kor digital kan iarap ym tang ban pynthikna ia ka jingshngain jong baroh ki Nongshongshnong hynrei kan long ruh kum ka lad syntiat ia ki briew da ki bor sorkar kiban peitpyrman bad ban leh eiei kat kum ki jingtip ba la lum da kane ka kor online.
“Ka jingthmu jong kane ka long ruh ban khanglad ia ki riewkiengatiar bad ki Lehnoh ba kin wan pynlong jaka riehtngen hapoh ka Jylla, kaba lah ban ktah jur ia ka jingshongsuk. Lyngba kane ka Portal, ngin lah ban pynshisha bad tehkyndon ia ki Nongshongwai kiba shongwai ha ki Iing hapoh ka Jylla” ula ong.
U Myntri Rangbah ula ong ruh baka jingpynkhreh ia ka online database jong ka MRSSA kan long ruh kaban pynmyntoi ha kaban peitngor bad lah pyntreikam bha ia ki lad ai jingshakri bad ki prokram bapher bapher jong ka Sorkar Jylla.
U Myntri Rangbah ula ong ba ka jingpynrung kyrteng ha ka portal kan pyniasoh ia palat 6000 tylli ki Shnong ka Jylla. Ia ki database (jingkhein ia ka jongdon briew) yn lah ban pyndonkam ha kaban pynjanai ia ka rukom ai jingshakri ha ki bynta kiba kongsan kum ha ka koit ka khiah. U ong ba kan iarap ruh haba iadei bad ka jingtreikam bha jong ki skhim bad ki prokram ka Sorkar.
“Kum kane ka sienjam ka dei kaei kaei kaba lah ban iarap ia ngi ym tang haba phai sha ka jingshongshngain hynrei kan iarap ruh ia ngi ban lah peitngor ia ki jingshakri bapher bapher, ki skhim, ki prokram ba pyntreikam da ka Sorkar bad ba ngin nang lah ban kham pynjanai shuh shuh. Ngi kwah ban pyniar ia kane ka kor digital ym tang ha ka MRSSA hynrei ia kiwei kiwei ki jingshakri ka Sorkar” ula ong.
Ha kajuh ka por, u Myntri Rangbah ka Jylla ula ai ka jingiaroh ia ka jingkitkhia jong ki Rangbah Shnong bapher bapher ban iatreilang bad ki bor sorkar haba kyrpad ia ki ban iatreilang bad ka Sorkar na ka bynta ban lah pyntreikam bha ia kane ka kam.
U Myntri Kam Pohiing ma Lahkmen Rymbui ula ong ba ka jingshngain jong ki paidbah ka dei kaba kham kongsan eh bad iaroh ia ka jingshimkhia jong ki Dorbar Shnong ia ki sienjam na ka bynta ka jingshong shngain jong ki Nongshongshnong hala ki jong ki shnong ki thaw.
Ha kane ka jingpyllait paidbah ia ka Web Portal jong ka MRSSA la iadonlang ruh u MLA ka Mawsynram Bah HM Shangpliang, Chief Secretary ka Jylla Bah DP Wahlang, u DGP Dr LR Bishnoi, ka DC ka East Khasi Hills Kong Isawanda Laloo, SIO ka NIC Bah Timothy Dkhar bad kiwei kiwei.
Lah ban kdew hangne ba ka Sorkar Jylla kala wanrah ia ka Meghalaya Resident Safety & Security Act, 2016 (MRSSA) da ka jingthmu ban pynthikna ia ka jingshongshngain jong ki Nongshongshnong ka Jylla da kaba bishar bniah ia ki briew ba wan shongwai ha Jylla.
Kum ka sienjam ban pyntreikam ia kane ka Act, ka Sorkar ha ryngkat ka NIC Meghalaya kala shim ia ka sienjam ban pynwandur bad shna ia kane ka Online Portal khnang ba ki Nongshongshnong naduh ki Trai Iing bad ki Nongshongwai kin pynrung kyrteng ialade hashuwa ka jingpynthikna na ki bor Shnong.
Ka URL jong kane ka web portal ka dei http://megrssa.nic.in bad lah ban plie ia kane ka portal na ki kor Computer, Laptop, Tablet bad ki Smartphone.
