Pyllait paidbah u DyCM ia ka kot “Ka Lapalang ka Ri War”

Date:

Share post:

Shillong, Naitung 25 :U symbud myntri rangbah ka jylla u Bah Prestone Tynsong hynne ka sngi nyngkong, ula pyllait paidbah iaka kot “Ka Lapalang ha Ri War” kaba la thoh da ka Dr Bashida Massar ha ka jingialang kaba la long ha St Anthony’s College Shillong.

Haba kren kum u kongsan u Bah Prestone Tynsong u la ong, ka Dr Bashida Massar ha u snem ba la leit noh, kala thoh iaka kot “Fishes in Rymben Borhill” lyngba ka jingiarap ka tnad Fisheries bad kane ka kot ka long kaba donkam khamtam haba kadei kaba la leh Research ne wad bniah bad mynta ka kynti pat kala thoh sa iaka kot halor ka shnong jong ka.

“Ki don bun bha ki kot kiba la pynmih hynrei phi pule tang shi taiew phi la kynroi prie bad la buh noh hapoh synduk. Hynrei kane ka kot kat nang pule nang bang bad kat nang pule nang proh ka jabieng bad kata kadei ka kot kaba ngi dei ban pynrung ha State Central Library khnang ba ki pateng kin ioh jingmut bad ioh mynsiem ban thoh iaki kot kiba don jingmut” ong u Bah Prestone.

U Bah Prestone u la ong, ka sorkar ka dang iai buddien ha kaba iadei bad ka jingpynrung iaka ktien Khasi haka Eight Schedule haba pyntip baka Sorkar ka la ioh bun ki kot ki sla ban kyrshan bad pynshong nongrim iaka jingdonkam ban pynrung iaka ktien Khasi hapoh ka riti synshar ka ri.

U la ong, ka sorkar kala rai ruh ba hapoh iing dorbar thawain yn shah noh iaki MLA ba kin kren da ka Khasi ne Garo ha kaba yn buh ia ki nongpynkylla ktien ka ban sa sdang ha u snem ban wan.

Ha katei ka jingialang la ioh ruh iaka jingkren na ka Dr Bashida Massar, ka Prof Badaplin War kaba ioh iaka khusnam Padmashree, ka Director ka tnad Arts and Culture ka Kong WAM Booth, u Rangbah Shnong ka Lapalang u Bah Primin Khobgjee.

Ha katei ka jingpyllait kot la iadonlang ruh u Archbishop ka Shillong Diocese u Most Rev Victor Lybgdoh, u Principal ka St Anthony’s College u Rev Br. Albert L Dkhar bad kiwei kiwei kiba la shah khot sngewbha.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...