Shillong, Nailar 12 : Katba ka mukotduma ban lehniam ha Krem Mawjymbuin ka dang don hapdeng ka jingbishar jong ka Iingkashari, ki runar ki bym lah ban tip, kila prong jubor shapoh jong kane ka krem bad pynpait ruh ia ka tala bala pyndait ia ka khyrdop.
Ia kane ka jingprong jubor shapoh kane ka Krem la lap hynne ka sngi sngi Nyngkong da ki nongkhmih ia kane ka krem.
La lap ruh ba kala don ruh ka jinglehniam hapoh u maw uba ki riewngeit Hindu ki ngeit ba u dei u Shiv Linga nalor ki sharak bala thang bad ka pisa bala buh hajan jong une u maw.
Lah ban kdew hangne, ka Iingkashari Meghalaya High Court, ka dang shong bishar ia ka mukotduma halor ka jingkyntait ai jingbit jong ka Dorbar Shnong Mawsynram, ban leit lehniam ki riewngeit Hindu hapoh kane ka Krem. Ia kane ka mukotduma la mudui da ka kynhun Yatra kaba dei ka Society bala register.
Ka Iingkashari kala buh ban shong bishar biang ia kane ka mukotduma ha ka 14 tarik u Nailar.
