Poi hospital 35 ngut ki khynnah skul hadien ka jingbam ja sngi ha Tripura

Date:

Share post:

Agartala, Naitung 18 : Haduh kumba 35 ngut ki khynnah skul ha Tripura ki la kem pang bad pynkit shapoh ka hospital hadien ba ki la bam ia ka jingbam shiteng sngi (mid-day meal).

Hadien kane ka jingjia, na ka liang u chief medical officer ka Dhalai district ha Tripura u la hukum ban kurup mardor ia baroh ki jhur ki jhep bad kiwei pat ki jingdonkam ba la pyndonkam ha ka ba shet na ka bynta ban leh ia ka tes.

Kine ki khynnah skul ki ba la kem pang ki dei napoh ka junior basic English medium school ka ba ha Dhalai district ka Tripura.Kane ka jingjia ka la jia ha Chawmanu ka ba hapoh Longtharai Valley subdivision ha ka sngi Saitjain ba la lah.

Na ka liang ki doktor la ong ba ki la kynnoh ba kane ka jingkem pang jong kine ki khynnah ka dei namar ka jingbam ka ba ki bam hapoh skul.

Ki tyllong khubor ki ong ba kine ki khynnah skul ki la ioh da ka jingbam ka ba sniew bad ka bym dei shuh ban bam.Katto katne na kine ki khynnah skul ki la iathuh ha la ki jong ki ba haiing hasem ba kane ka jingbam ka dei ka ba la sma.

Mar ia bam ia kane ka jingbam kine ki khynnah ki la lyngba pisa bad kim sngew suk shuh ha ka ba ki la don ruh katto katne ki ba la prie.Hadien kane la pynkit noh ia ki mar mar shapoh ka hospital.

Share post:

spot_img

Popular

More like this
Related

CAG recommends relocation of teer counters near schools and worship places

Shillong, March 15: The state government has been recommended...

Over 250 illegal teer ticket sales detected in six years: CAG report

Shillong, March 15: Over 250 cases of illegal sale...

Ai jingmut ka CAG ia ka Sorkar ban pynkynriah lut ia ki dukan tim najan ki jaka pule bad Iingmane

Shillong, Lber 15: Ka Comptroller & Auditor General (CAG)...

Lap ka CAG ia ka jingdie tuh ia ki nombor tim | Ai jingmut ban leh tyngeh ia ki Ophisat

Shillong, Lber 15: Ka Comptroller & Auditor General (CAG)...