Shillong, Jymmang 28 : U MLA barim ka Mawlai Bah P. T Sawkmie, ula plie paidbah ia ka jaka saitjain ka ban ai shibun ki jingmyntoi ia ki nongshongshnong ka shnong Mawiong khamtam kiba na ka dong Tariang A bad B.
Ia kane ka jaka saitjain la plie ha ka sngi saitjain ha ryngkat ka seng HYC ha ka jingiadonlang u Rangbah Shnong Bah Herman Dohtdong, Working President ka UDP Mawlai Bah Wanseng Jyrwa, Rangbah Dong ka Tariang A Bah Batskhem Makdoh bad ki Nongialam ka HYC nalor kiwei kiwei ki riew rangbah ka Shnong.
U Bah Donbok Kharlyngdoh President ka HYC Mawlai haba ai jingkren, ula pynpaw ia ka jingsngewnguh ia u Bah PT Sawkmie uba la iai bteng ban trei bad shakri ia ki paidbah watla um long shuh u Nongmihkhmat jong ka Mawlai.
Ua ong ba u Bah Sawkmie ha ka pork a jinglong MLA, ula pynurlong ia shibun ki jingangnud u paidbah. Ula ong ba nalor kane ka jaka saitjain ha Mawiong, une u MLA barim ula pynioh ruh ia ka jaka saitjain ha Mawlai Umjaiur. U pyntip ba ka seng HYC ruh kala ioh ia ka kali bala pyllait ha Mawlai Nongkwar.
U Bah Sawkmie ula pynpaw ia ka jingsngewkmen ba ha i bor iab rit, ula ioh ban mang ia kane ka jaka siatjain naka skhim jong u bad kyrmen ba kane ka jaka kan long ka jingmyntoi na ka bynta ki nongsaitjain.
