Tura, Nailur 02: U Myntri Rangbah ka Jylla Conrad Kongkal Sangma hynne ka sngi thohdieng, ula plie paidbah ia ka Commercial Complex-cum- Parking Lot jong ka Tnad Urban Affairs ha ka shnong A.konggre, Tura, kaba dei shibynta jong ka Smart Town Project.
I am proud that my Government has initiated many projects in Tura to develop its infrastructure with the dream of making it one of the best towns in the country. We have a long way to go but we will get there. pic.twitter.com/FS9YGNiieJ
— Conrad Sangma (@SangmaConrad) September 2, 2022
Ia kane ka project la plie ha ka jingiadon ryngkat u Chief Adviser u Myntri Rangbah ka Jylla u Thomas A Sangma, u Deputy Commissioner ka West Garo Hills Swapnil Tembe, u Superintendent of Police Vivekand Singh Rathore, u CEO ka Tura Municipal Board, ki Heh Ophisar jong ki Tnad bapher bapher ki Nongialam Shnong bad kiwei kiwei.
Haba kren ha ka jingialang, u Myntri Rangbah ula ong ba ka sor Tura kaba dei ka Headquarter jong ka Ri-lum Garo kala shah ieh bein la slem bha haba phai sha ki jingtei jong ka roi ka par.
“Hynrei kane ka Sorkar, kala shimkhia bha ban kyntiew ia kane ka sor ha ka roi ka par hadien ba kala shimti ia u lakam ka jingsynshar” ula bynrap.
Kat kum ka jingong jong u, hapoh ka Smart Town Project, ka Sorkar kala dep pynlut haduh T. 55 klur ban pynbhabriew/pynitynnad ia ka sor Tura bad ban pynbha lut ia baroh ki surok kiba iaid sha ki shnong bapher bapher jong ka Sor haba pyntip ba ka sorkar kala dep mang T. 15 klur ia ki surok thymmai bad T. 13 klur kala dep ban pynlut ha ka ban pynbha ia ki surok kiba la don lypa.
U Myntri Rangbah ka Jylla u pyntip ba ka Sorkar kala shimkhia bha ha kaban weng noh ia ka jingeh jong ka sor Tura n aka jingkyrduh um bad kumba 60 haduh 70% jong kane ka jingeh la dep ban weng mynta.
Haba pyntip ba ka sor Tura kala nang iar sted bha, u Myntri Rangbah ula ong ba ha ka wat ba ar jong ka project ban pynitynnad ia ka sor, ka Sorkar kan sa shna ia ka surok pyllun (circular road) ha Iew Tura ha kaba, kan hap ban pynlut haduh T.5 haduh T 6 klur.
Ula pyntip ruh ba baroh ki Shnong kin sa iohi noh ia ka jingpyndait solar streetlight haba pan ia ka jingkyrshan bad ka jingiatreilang jong ki paidbah ban pynwandur thymmai ia ka sor.
Ban tehlakam ia ka jingkiew dor ki mar ki mata na ka jingdon ki kynhun dawa pisa, u Myntri Rangbah ula kyntu ia ki Nongkhaii ba kin iatreilang bad ki Pulit lem bad ki bor District haba pynthikna ba kine ki bor sorkar kin ai ia ka jingiarap bad ka jingiada kat kaba donkam ia ki.
Haba kren halor ka jingiohi jngai ban pynlong ia ka Tura kum kawei ka sor ba itynnad tam ha ka thain Shatei Lam Mihngi, u Myntri Rangbah ula banjur ia ka jingdonkam ban don ia ka jaka theh niut kaba paka ban lah pynitynnad ia ka sor.
Kiwei pat kiba la ai jingkren ki kynthup ia u Chief Adviser u Myntri Rangbah, Thomas A Sangma, u Deputy Commissioner, Swapnil Tembe, B Lapo Joint Director of Urban Affairs Department, B Lapo bad kiwei kiwei.
