Shillong, Risaw 27 : U Myntri Rangbah ka Jylla Conrad K Sangma, hynne ka sngi palei, ula plie ia ka Building bala bei tyngka da ka NEC, ki jingtei bala bei da ka RUSA bad ka surok ban leit sha ka College of Teachers Education (PGT) ha Shillong.
PGT has rendered its service to the community and to the State by grooming teachers who shoulder the responsibility of educating our children. We hope that the new infrastructure will further their efforts. I wish the teachers & the aspiring teachers the best! pic.twitter.com/UFAYMtVsEb
— Conrad Sangma (@SangmaConrad) October 27, 2022
Kiba la iadonlang ha kane ka sngi ki kynthup ia u Symbud Myntri Rangbah ka Jylla Bah Prestone Tynsong bad u Commissioner & Secretary ka Tnad Education u Dr BDR Tiwari.
Haba kren ha ka jingialang, u Myntri Rangbah ula kdew ia ka jingdonkam ban nang pynheh ia ka College haba buh hakhmat ia ka jingnang bun kiba kwah ban wan pule pyntbit.
“Ka College kala treikam bha bad ki don bun bah ki samla pule kiba kwah ban pule ha kane ka College, kumta ka jing pynheh ia ka College ka long kaba donkam bad nga kmen ban iohi ba katto katne ka jingpynheh kala iaid shakhmat” ula ong.
U Myntri Rangbah ula ong ba ka pule puthi ka dei kawei na ki kam bala buh hakhmat eh da ka Sorkar wat hapdeng shibun ki jingeh ha kane ka kam haba phai sha ka jingduna ki jingtei, ki jingai jinghikai ia ki nonghikai, ka jingbun jait ki nonghikai ka bym lah satia ban pynkylla ha ka por ba lyngkot namar kiba bun kiei kiei kiba don bynta kiba hap ban pynkylla kat kumka lynti.
U Myntri Rangbah ula pyntip ba ka Sorkar Jylla kala pyndonkam ruh ia ka khajna bala ioh lum na ki marpoh khyndew ha ka kam pule puthi kumba la buh ia ka haba pyntip “Ka Sorkar kala pyndonkam ia ka mang tyngka bala mang sha kawei pa kawei ka tnad bad ia kaba hap la lah ban bate sha ki kam bapher bapher”.
“Kumba long kongsan ka pule puti, ki don ruh kiwei ki kam kum ha ka koit khiah, ka surok, ka rep ka riang, ki samla, ki kynthei bad kiwei kiwei ki dei kiba kongdan bad ka Sorkar ka hap ban bate mar katjuh hapdeng kine” ula ong.
U Myntri Rangbah ula ong ba naba ka pule puthi ka dei ka kam kaba kongdan bha, ki nonghikai ki don ia ka bynta kaba khraw bad ki jingai jinghikai pyntbit bapher bapher jong ka Sorkar ia ki Nonghikai ka phaikhmat bha sha ka jinghikai ka ban long pura.
