Shillong, Nailur 24 : U Symbud Myntri Rangbah bad President ka National People’s Party (NPP) Meghalaya, Bah Prestone Tynsong ula khein kam kai ia ka jingdawa ban thung Myntri Rangbah da u Khasi, haba pynpaw ba ka jingpynleit jingmut ka dei ban long ia ka roi ka par bad ka bha ka miat ka Jylla ha ka jaka ban jied Jaidbynriew.
“Ngam donkam ban kynthoh ia kane namar balei ba ngan wanrah ia ka jingsngew iapher Jaidbynriew. Nga sngew ba ngim dei ban iakren ia kane, ym dei hi ruh” ong u Bah Prestone haba iakren bad ki lad pathai khubor haba jubab ia ka jingkylli halor ka jingdawa jong kawei ka kynhun Sengbhalang.
U Bah Prestone ula ban jur ba kaei kaba kham kongsan ka long ban pynthikna ia ka roi ka par jong ka Jylla bad ka bha ka miat ka dei ban don ha ka lynti kaba dei.
“Katba ngi dang ia don ha Meghalaya, MLA ka Meghalaya, ngam don jingsngew mano ba dei u Myntri Rangbah” ula ong haba phah ia ka khubor kaba shai ba um kwah satia ban shimti ia ka shuki Myntri Rangbah.
“Ai ba ki briew jong ngi kin sngewthuh ia kane. Lada phi ong hooid phi wanrah ia u Myntri Rangbah lehse uba na West Bengal lane na Bangladesh lane Assam, hooid nga ruh nga pyrshah ia kane” ula ong.
 Meghalaya, Bah Prestone Tynsong ula khein kam kai ia ka jingdawa ban thung Myntri Rangbah da u Khasi, haba pynpaw ba ka jingpynleit jingmut ka dei ban long ia ka roi ka par bad ka bha ka miat ka Jylla ha ka jaka ban jied Jaidbynriew.){kind=link}