Shillong, Jylliew 22: Ki shipai ka Indian Air Force kila phah haduh lai tylli ki helicopter na ALG Shillong ban leit pynpoi bad pynhap marbam sha ki Shnong ka Ri-lum Garo, kiba shah ktah jubor ha ka jinglynshop u ‘Lapbah ha ki khyndiat sngi bala leit noh.
Kat kum ka khubor na ka AIF, la iathuh ba hynne ka sngi balang haduh 6 sien ki helicopter kila mih bad pynpoi ia ki marbam ba 2.4 ton ha Maheshkola.
Ka jingther u lapbah ka Jylla Meghalaya kala pyndkut ia ki lad pyniasoh ha kiba bun ki shnong jong ka East Garo Hills bad South Garo Hills namar ka jingjia twa khyndew bad jingshah rong ki jingkieng ha ka umsaw.
Ka Sorkar Jylla kala kyrpad ia ki shipai Air Force ba kin leit pynpoi marbam sha ki shnong ba dkut ka lad pyniasoh ba kynthup ia ka Maheshkola, Mahadev bad Siju.
