Shillong, Risaw 18 : Ka Khasi Hills Autonomous District Council (KHADC) kala pan por ban pynthikna la ki artylli ki jingtei bala shna hajan ka pung Umiam ki dei ne em kiba iaid kat kum ka ain.
Ha ka hukum bala pynmih halor ka PIL ha ka sngi nyngkong, ka Iingkashari ki arngut ki nongbishar ka Meghalaya High Court kila ong ba ki arngut ki nongshah mudui kila dep file ia ka affidavit kata u Bah Philosopher Iawphniaw bad ka kong Banalari Khongwar- kiba kwah ban pynksan ia ka jingtei ba kila pyntrei.
Ka hukum ka ong pat b aka KHADC, kaba dei ka bor ban pynthikna la kine ki jingtei bala pynieng da kine ki arngut ka long ne em kat kum ka ain lane ki kyndon, kala pan por.
“Ka jingbishar biang ia kane ka kam kan long ha ka 20 tarik Risaw 2022. La kyrmen b aka KHADC kan ym pan por shuh bad pynpaw ia ka nongrim ba shai jong ka hakhmat ka Iingkashari la kine ki jingtei ki iaid kat kum ka ain ne em” hukum ka Iingkashari.
Lah ban kdew hangne ba u Bah Philosopher Iawphniaw bad Banalari Khongwar, kila ioh pdiang ia ka notice halor ka jing kynnoh tei beain ia kine ki jingtei harud jong ka pung Umiam.
