Shillong, Jymmang 25: Ka Meghalaya Human Rights Commission (MHRC) hynne ka sngi kala phah daka Notice ba bthah ia u Chief Secretary (CS) ban aiti iaka kaiphod halor ka jingshah kyndang ki briew kiba sah ha Lum Survey.
Haka kyrwoh, u Secretary ka MHRC ula pyntip baka Commission kala shim suo motu hadien ka jingud jingnam ki briew ba shah kyndang na Lum Survey.
Ka Commission kala bthah ia u Chief Secretary ban aiti iaka kaiphod ha lane shwa ka 30 tarik Jymmang.
Lah ban kdew ba haka 23 tarik mynta u bnai, ka Tnad Pulit kala Register Case pyrshah iaki nongialam ka Hynniewtrep Youth Council (HYC) tang hadien katto katne kynta ba ki dkhot ka HYC kila leit ban pynpra iaki ing ha Lum Survey.
“Iaka Case la Register ha Sadar police station pyrshah ia u president ka HYC u Bah Roy Kupar Synrem, u Vice President Bah Donbok Kharlyngdoh, Assistant General Secretary Bah Isaac Basaiawmoit lem bad kiwei, halor ka jingleit kyndang iaki briew na Lum Survey haka step jong ka 23 tarik Jymmang” la ong u Superintendent of Police KA East Khasi Hills u Rituraj Ravi.
Ula iathuh baka jingtohkit ka dang iaid shakhmat halor kane ka kam.
