Shillong, Jymmang 25: U Myntri Rangbah ka Jylla Conrad K Sangma ula hukum ban tohkit mardor ban pynthikna ia ka jingshna skhem ia ka skul RMSA ha Adokgre hadien ka jingujor jong ki paidbah ba pyntri torti u contractor.
U Myntri Rangbah ula leit jurip kynsan kynsan sha Adokgre ha ka janmiet sngi Saitjain bad leit jngoh ia ka Iingskul ha ryngkat ki bor District shuwa ban pynbna ia ka jingtohkit.
“Nga la bthah ia u Deputy Commissioner ban thung mardor ia ka jingtohkit bad ban aiti ia ki jingshem sha nga. Watla ngam dei u stad engineer, hynrei, ka I kumba ka kam bala pyntrei kam iskhem satia ha ki katto katne ki bynta. Ngin sa ioh ia ki jingtip hadien ba ki stad ki jhad kila khmih ia ka” ong u Myntri Rangbah uba la ioh ka jingiaroh na ki paidbah ka North Garo namar kane ka jingshimkhia mardor.
Ha ka khubor ba u phah sha u Contractor, u Myntri Rangbah ula bthah ia ki ban leh hok ia ka hok da kaba pynthikna ba kin shna skhem ia ki jingtei baroh.
“Haba ka kam la ai sha phi, ngi khmih lynti ia ka jingtrei kaba bha. Ngin ym ailad ia ki jingtrei torti” maham u Myntri Rangbah.
