Shillong, Nailar 26: U Symbud Myntri Rangbah ba khmih iaka tnat kam pohiing (Police) Bah Prestone Tynsong u la pyntip hapoh ka iingdorbar ba naduh u snem 2025, kila don haduh 1,878 tylli ki case kam tuh bad bun tam ka dei ha East Khasi Hills.
Ha ka jubab ia ka jingkylli bala wanrah daka MLA ka TMC ka Miani D Shira, u Bah Prestone u la ong ba ki Pulit kila Register haduh 1,095 tylli ki case haba iadei bad ka kam tuh ha u snem 2025 bad 783 tylli haduh u bnai Naitung 2026.
Haba kheiñ kat kum ki District, ka East Khasi Hills ka la sakhi haduh 610 tylli ki case ha u snem 2025 bad 460 tylli haduh u Jylliew 2026.
Bud sa ka West Jaintia Hills kaba don 84 tylli ki case, bad 58 tylli ki case, ha West Garo Hills 81 bad 83 tylli ki case, bad ka Ri-Bhoi ki don don 78 bad 57 tylli ki case.
Kiba duna tam ki kam tuh dei ha South West Khasi Hills bad South Garo Hills.
Halor ka jingkem, u Bah Prestone u la iathuh ba ki pulit ki la kem ia ki briew kiba donkti ha ki 495 tylli ki Case.
Ha u snem 2025, la lah ban kem ia kiba donkti ha ki 332 tylli ki case, katba ha u snem 2026 (haduh u bnai Naitung) la lah ban kem briew ha ki 163 tylli.
Ka East Khasi Hills ka la lamkhmat haba kadei bad ka jinglah ban pynbeit iaki kam tuh, ha kaba la lah ban kem ia ki briew ba donkti ha ki 189 tylli ki case ha u snem 2025 bad 119 tylli ha u snem 2026, bud sa ka West Garo Hills kaba la lah ban kem ia kiba donkti ha ki 61 bad 20 tylli ki Case.
Ha Ri-Bhoi, tang kawei case la lah ban kem briew na ki 57 tylli ki case kiba la register ha u snem 2026, katba ha Eastern West Khasi Hills bad West Khasi Hills pat haduh u bnai Naitung mynta u snem ym shym la lah ban kem ia ki briew kiba donkti, ong ka jubab.
 Bah Prestone Tynsong u la pyntip hapoh ka iingdorbar ba naduh u snem 2025, kila don haduh 1,878 tylli ki case kam tuh bad bun tam ka dei ha East Khasi Hills.){kind=link}