Kohima, Risaw 23: Ka Naga Students’ Federation (NSF) kala kynthoh tyngeh halor ka jinghiar thma ki shipai ka ri India da ki drone ha ka 20 tarik u Risaw, 2025 ha ka shnong Khammoi Mon district, Nagaland ha kaba ar ngut ki riew paidbah kila khlad noh bad kumjuh ruh ka jingshah pynjot ki jingdon jingem jong ki briew.
Ia kine ki lanot la tip kyrteng kum u Eno Khampei Wangsa bad u khynnah ba dang phra snem uba dang pule grade-1 ha Khammoi Mission School. Khampei Wangsa u dei u nongialam ki seng samla pule uba bat ruh kum u Joint Secretary jong ka Khammoi Students’ Union.
Ka federation ka la kynthoh tyngeh ïa ka jingpyndonkam da ki drone bad ki tiar pynbthei ha ki jaka ba bun ki riew paidbah, da kaba ong ba ka pynkheiñ ïa ka Universal Declaration of Human Rights (UDHR), ka Geneva Conventions’ kaba khang pyrshah ban thew ia ki riew paidbah bad ka Convention on the Rights of the Child (CRC), nalor kiwei pat ki aiñ jong ka pyrthei.
Ka NSF ka la maham ba kum kine ki kam ki pynpaw ïa ka rukom pynrem da ki shipai, ka jingsheptieng ia ki tiar,bad ka jingbym pynshitom beiñ hapoh ka Armed Forces (Special Powers) Act (AFSPA).
Ka federation kala kyntu ia ka United Nations Human Rights Council (UNHRC) ban sdang ïa ka kam wad bniah kaba laitluid, katkum ka international fact-finding mission, bad ka la khot ïa ka Ophis jong u High Commissioner for Human Rights (OHCHR) ban pynmih ïa ka kaiphod ba ïadei bad ka jinglong jingman halor ki jingpynkheiñ kiba jia hapoh ka AFSPA.
Ka NSF ka la pynbna ba kan ym iatreilang shuh bad ki shipai ha kylleng ki unit ba hapoh jong ka haduh ban da pynduh noh ia ka AFSPA.
 kala kynthoh tyngeh halor ka jinghiar thma ki shipai ka ri India da ki drone ha ka 20 tarik u Risaw, 2025 ha ka shnong Khammoi Mon district, Nagaland ha kaba ar ngut ki riew paidbah kila khlad noh bad kumjuh ruh ka jingshah pynjot ki jingdon jingem jong ki briew.){kind=link}