Guwahati, Naitung 4: Ka kynhun ki lehnoh Naga, ka Sorkar Nagalim ba la ïalam da u Yaruiwo ka People’s Republic of Nagalim (GPRN) ka la beh noh ïa arngut ki senior military commanders tam jong ka, da kaba kynnoh ba ki leh pyrshah, ki bym ïaineh bad ki pyrshang ban pynkhih ïa ka seng kaba ïaryngkat hapoh ka seng.
U Lieutenant General (Retd.) Hs. Ramsan bad u Lieutenant General (Retd.) A. Raman ki la shah beh na ka NSCN/GPRN lyngba ka hukum ba la pynmih da ka kynhun hadien kaei kaba ka la batai kum ki kam bym kohnguh bad kyntait ban jubab ïa ki jingpyrshang pynbeit thymmai ba la sdang da ka Council Headquarters (CHQ).
Ka GPRN ka la kynnoh ïa ki arngut ki nongïalam ha ki “kam pyrshah ri” kiba bun jait, kynthup ïa ka jingleh pyrshah, ka jingphetwir, ka jingdawa pisa, ki jingïateh lok khlem jingbit, ka jingbamsap, ka jingkhaii drok bad ka jingthaw ïa ka seng la ka jong.
Da kaba treikam mardor, la weng noh ia baroh ki kyrdan, ki burom bad ki jingmyntoi ba la ai ha ki arngut ki commanders.
Ha ka hukum kaba la pynmih ha ka 1 tarik u Naitung, ka GPRN ka la bthah ïa baroh ki dkhot jong ka NSCN kiba trei hapoh u Ramsan bad u Raman ba kin weng noh mardor ïa baroh ki jingïadei bad ki nongïalam ba la shah beh bad ban ai jingtip sha ka Council Headquarter (CHQ) bad General Headquarter (GHQ) na ka bynta ki kot ki sla bad ka jingpynkynriah kam thymmai.
Ka kynhun ka la maham ba kino kino ki dkhot ki bym kohnguh ia katei ka jingbthah kin ngat ha ka jingshah pynshitom.
Ka jingshah beh noh jong arngut ki nongialam ba rangbah tam (senior-most commanders) jong ka seng la khmih lynti ba kan don ka jingktah ia ka jinglong hapoh jong ka NSCN/GPRN, wat haba ki jingpyrshang ban pyniasuk hapoh ka senior-most commanders ki dang iaid bteng.
 ka la beh noh ïa arngut ki senior military commanders tam jong ka, da kaba kynnoh ba ki leh pyrshah, ki bym ïaineh bad ki pyrshang ban pynkhih ïa ka seng kaba ïaryngkat hapoh ka seng.){kind=link}