Kohima, Naitung 4: Ka Eastern Nagaland Peoples’ Organisation (ENPO) ka la pynkynriah noh ïa ka public rally naduh ka 7 tarik u Naitung haduh ka 10 tarik u Naitung bad ka la pynbna ban khang dam naduh step haduh mynmiet ha kylleng ki hynriew tylli ki eastern districts ban pynbor ban pyntreikam kloi ïa ka jingthmu jong ka Frontier Nagaland Territorial Authori (FTAN).
Ia kane ka rai la shim ha ka jingialang jong ka ENPO Central Executive Council bad ka joint meeting jong ki riewlum bad ki frontal organisations kaba la long ha Tuensang.
Ka ENPO ka la ong ba yn pynlong ia ki jingialang ba jai jai ha baroh ki district ha Eastern Nagaland ha ka 10 tarik Naitung ban pynskhem biang ia ka jingkyrshan ki paidbah ia ka Memorandum of Agreement (MoA) kaba la iasoi bad ka Centre bad ka sorkar Nagaland ha ka 5 tarik u Rymphang, bad ban dawa ban pyntreikam kloi ia ka.
Kum shi bynta jong ka jingpynkhreh, yn pynlong ïa ka pre-rally meeting jong ki nongsoi ïa ka MoA ha Dimapur ha ka 7 tarik u Naitung, ha kaba ki nongïashim bynta kin soi ïa ka jingkular ban pynskhem biang ka jong ki ïa ka jingïateh kular.
Ka seng ka khot ruh ban pynlong ia ka jingkhang dam kaba jai jai ha ka 10 tarik Naitung ha kylleng ki district kum ha Tuensang, Mon, Kiphire, Noklak, Shamator bad Longleng.Katba ki jingshakri kiba kongsan la khmih lynti ba kin dang lait, ki jaka iew bad ka jingleit jingwan jong ki kali ki lah ban shah ktah.
Ka jingtyrwa jong ka FNTA ka wad ban ai ia ka jingsynshar laitluid kaba kham heh sha ki hynriew tylli ki eastern districts, kiba la kynnoh ba ki don ka jingbym shimkhia, ka jingbym lah ban pynroi bad ka jingbym don ki nongmih khmat kiba biang. Ka MoA jong ka 5 tarik u Rymphang ka ai ia ka lynti ban seng ia ka kynhun synshar hi hapoh ka Nagaland ban weng ia kine ki jingeh.
Ka ENPO ka la ong ba ka jingpyntreikam ia ka jingiateh “in letter and spirit” ka long kaba donkam bha na ka bynta ban pynthikna ia ka jingsuk, ka hok bad ka roi ka par kaba iaryngkat ha Eastern Nagaland, da kaba bynrap ba ka rally bad ka jingkhang dam ka long ban pynsted ia ka jingtreikam.La khmih lynti ba ki bor synshar distrik kin pynmih ia ki jingbthah halor ka leit ka wan bad ka jingshakri paidbah shwa ban khang.
 ka la pynkynriah noh ïa ka public rally naduh ka 7 tarik u Naitung haduh ka 10 tarik u Naitung bad ka la pynbna ban khang dam naduh step haduh mynmiet ha kylleng ki hynriew tylli ki eastern districts ban pynbor ban pyntreikam kloi ïa ka jingthmu jong ka Frontier Nagaland Territorial Authori (FTAN).){kind=link}