Shillong, Nailar 09 : Ka Kynhun Myntri ka Sorkar Jylla ha ka sngi Thohdieng, kala ai jingmynjur ia ka Farmers Empowerment Commission (Amendment) Bill, 2024.
Haba kren sha ki lad pathai khubor, u Myntri ka Tnad Pule Puthi Rakkam A Sangma ula ong ba kane ka amendment ka thmu ban pynkiew ia ka rta jong u Chairman na ka 65 snem sha ka 70 snem.
U pyntip ba ka kynhun Myntri kala ai jingmynjur ruh ia ka Benami Transaction Prohibition Rules, 2024 ban ailad ia ki jingujor ki ban pdiang da ki Deputy Commissioner hala ki jong ki jong ki District.
U Rakkam ula ong ba ka Meghalaya Public School Service Rules, 2024 ruh lah ai jingmynjur ha kaba baroh lai tylli ki Public School, Shillong, Tura bad Jowai kila shah kynthup lang.
“(Ha baroh kine ki snem) ym shym la don service rules na ka bynta ki nonghikai bad ki principal ba trei ha ki Meghalaya Public School bad kiwei kiwei ki Public School hapoh ka Jylla” ula bynrap.
Ha kajuh ka por, ka kynhun Myntri kala ai jingmynjur ia ka Meghalaya Subordinate Water Resources Engineering Service Rules, 2024.
