Shillong, Nailar 09: Ka kam lehniam ha krem Mawjymbuin, Mawsynram ka dei kaba dang don hapdeng ka jing bishar bad ym kwah ban kynthoh eiei tad haduh ba ai hukum ka Iingkashari.
Kane ka dei ka nongrim jong ka BJP-Meghalaya halor ka kam leit lehniam jong ki paid riewngeit Hindu ha kane ka krem.
U Nongaiktien ka BJP Meghalaya Arnab Das ula ong “Ki paid riewngeit Hindu kidei kiba ju leit pyndem ha ki jingduwai ha kane ka krem da ki snem mynta. Hynrei, mynta kane ka kam kala poi sha ka Iingkasahri bad ngi dei ban ap ia ka hukum ba pynmih ka Iingkashari”.
“Ngi ngeit pura ha ka jingstad jong ka Iingkashari bad ka hukum kaba ka pynmih kan dei kaba ngi pdiang beit. Ngi duwai ba kan don ka jingiapynbeit kaba iasngewthuh jingmut lang da baroh kiba don bynta ha kane ka kam”.
