Shillong, Nailar 09: Ka Kynhun Myntri ka Sorkar Jylla hynne ka sngi ba-ar kala mynjur ban pynkylla thymmai ia ki kyndon ka Meghalaya Fiscal Responsibility and Budget Management Act, 2006, ka ban ailad ia ka Jylla ban kyntiew ia ka jingshim ram sa kumba 0.5% naka GSDP.
Cabinet approved the amendment to the Meghalaya Fiscal Responsibility & Budget Management (MFRBM) Act 2006 which allows the annual borrowing ceiling by 0.50% of GSDP on certain performance criteria in the power sector@nsitharaman pic.twitter.com/kxZHg233xI
— Conrad Sangma (@SangmaConrad) August 9, 2022
Haba iakren bad ki nongthoh khubor, u Myntri ka Tnad lum khajna ka Jylla James K Sangma ula ong ba ia kane ka jingpyn kylla thymmai la wanrah ha ka dur jong ka Ordinance.
“Kane ka jingpynkylla ka dei kat kum ka shithi ba ngi la ioh pdiang naka Department of Expenditure, Ministry of Finance ka Sorkar India, kaba shah ia ngi ban kyntiew ia ka jingshim ram sa .5%, kaba mut ba ngin lah ban shimram tam sa 0.5% naka GSDP hynrei kaba don jingiadei pat bad ka kam pynmih bording” ula ong.
“Ngi la iatai ia kane bad ka Kynhun Myntri kala ai jingmynjur. Kane kan kyntiew ia ka jingshim ram da 4% mynta u snem na ka GSDP” ong u James.
