SHILLONG, MAY 14: Ka All-India Council for Technical Education (AICTE) kala ai ia ka jingmynjur ia ka College of Architecture & Urban Planning, Tura, ban sdang ia ka Degree Course ha ka Urban Planning na ka bynta ka samoi pule jong u snem 2026–2027 na ka bynta 30 tylli ki Seat, la pynbna u Myntri Rangbah ka jylla u Conrad K. Sangma hynne ka sngi Palei.
Haba pynbna ha ka rynsan social media ha ka X, u Myntri Rangbah ka jylla ula ong, “Nga dap da ka jingkmen ban pyntip ba ka AICTE kala ai ia ka jingmynjur ia ka College of Architecture & Urban Planning, Tura, ka shnad jongka Captain Williamson Sangma State University (CWSSU) ban sdang ia ka Degree Course ha ka Urban Planning na ka bynta ka samoi pule 2026–2027 ha kaba jingai jinghikai ha ki 30 tylli ki Seat”.
Happy to share that the AICTE has granted approval to the College of Architecture & Urban Planning, Tura, a constituent college of Captain Williamson Sangma State University (CWSSU) to commence the Degree Course in Urban Planning from the academic session 2026–2027 with an intake… pic.twitter.com/yg2OgVejeL
— Conrad K Sangma (@SangmaConrad) May 14, 2026
Ula ong, ba kane ka jingai jingmynjur kadei ka sienjam kaba kongsan ha ka Higher Education bad ka jingroi jong ka jylla.
“Kane kadei ka khyllipmat bad u mawmer uba kongsan ia ka Meghalaya namar kan thaw ia ki lad na ka bynta ki samla ban kin ioh leit pule pyntbit ha ka Urban and Regional Planning hapoh jong ka jylla, ha ryngkat ban tei ia ka kam trei kaba don ia ka sap ka phong ban kyrshan ia ka jingiaineh bad ka jingpynwandur dur ia ki kam pynroi ha kylleng ki bynta jong ka jylla” la ong u Sangma.
 kala ai ia ka jingmynjur ia ka College of Architecture & Urban Planning, Tura, ban sdang ia ka Degree Course ha ka Urban Planning na ka bynta ka samoi pule jong u snem 2026–2027 na ka bynta 30 tylli ki Seat, la pynbna u Myntri Rangbah ka jylla u Conrad K. Sangma hynne ka sngi Palei.){kind=link}