Nongstoiñ, Jymmang 14: Ka Drug Reduction, Elimination and Action Mission (DREAM) ha ka sngi Palei ka la pynlong ia ka jingialang pashat jingmut ha ryngkat ki 200 ngut eiei ki riew paidbah ka Nongstoin, kynthup naduh ki Rangbah Shnong, ki nongialam sengbhalang, ki kynhun niam, ki dkhot jong ki VDP bad kiwei kiwei, ban pynkhlain ia ka jingialeh ia u drok hapoh ka District.
Haba kren ha ka jingialang u Director ka DREAM bah Francis G Kharshiing u la ong ba ka jingthmu jong ka mission ka long ban pynlong ïa ka Meghalaya kum ka Jylla kaba lait na u drok ne ka ‘Drug Free Meghalaya’ lyngba ka jingïatreilang bad jingïashimbynta jong ki shnong ki thaw.
Ula kyntu ia ki Rangbah Shnong ban iatreilang bad ka DREAM bad iathuh ia ka kamram ba kongsan eh jong ki nongialam shnong ha kaban ai ia ki No Objection Certificate ban seng ia ki Rahabilitation Centre.
U la ban jur ruh ia ki bor khmih ka thain ban iarap ia ki nongdih droks kiba duna ka jingioh bad ba kwah ia ki jingsumar da kaba iarap ban pynioh kloi ia ki kot ki sla ban pynithuh bad kiwei kiwei kiba donkam.
Superintendent of Police Bah Herbert Kharkongor, u la iaroh ia ka bynta jong ki Village Defence Party (VDP) ha ka jingiadei bad ka kam dih bad khaii drok, da kaba ong ba ka long kaba donkam ban iai bteng ka jingiatreilang hapdeng ki VDP bad ki pulit na ka bynta ka jingbha ha ka imlang sahlang.
U la kyntu ruh sha baroh ban phikir bad iaid da ki lynti kiba dei naduh ki kam kiba ia dei bad ka iingbishar bad kiwei kiba ia dei bad ka ain, halor ka jingiadei bad ki kam runar halor u drok.
Kiwei pat kiba ai jingkren naduh ki NGOs, VDPs, ki la pynpaw ia ka juh ka phang ban pynkhlain bad ban iatreilang naduh ki bor synshar, ki kynhun niam bad ban wanrah ruh ia Opioid Substitution Therapy (OST) centre, khnang ban lah ban pynlong ia ka West Khasi Hills ka District ka ba laitluid na u drok.
 ha ka sngi Palei ka la pynlong ia ka jingialang pashat jingmut ha ryngkat ki 200 ngut eiei ki riew paidbah ka Nongstoin, kynthup naduh ki Rangbah Shnong, ki nongialam sengbhalang, ki kynhun niam, ki dkhot jong ki VDP bad kiwei kiwei, ban pynkhlain ia ka jingialeh ia u drok hapoh ka District.){kind=link}