spot_img

Mih u Nongialam barim ka KSU ban iakhun ia ka elekshon MDC na Mawsynram

Date:

Share post:

Shillong, K’Lyngkot 27: U kyrtong shimet na Mawsynram constituency u Bah Daniel Wahlang hynne ka sngi u la thep kyrteng ban aireng haka ka ilekshon sha KHADC, ka ban long ha ka 21 tarik Rymphang 2025.

Lah ban kdew ba u Bah Daniel dei u nongialam barim ka Khasi Student Union (KSU).
Haba kren shaki lad pathai khubor u Bah Daniel u la iathuh ba ka rai jong u ban iakhun ia ka ilekshon ka dei hadien ba u la iohi ia ka jingdonkam ban pynkhlain shuh shuh ia ka KHADC kaba dei ka nongiada ia ki trai ri trai muluk, ka khyndew ka shyiap bad ia ki riti ki dustur daka ba thaw ki ain ba khlain hapoh ka District Council.

“Ngam lah shuh ban long tang u nongpeitkai. Ka district council mynta ka kynti ka la tlot bor” u la kynnoh.

U Bah Daniel u la ban jur ia ka jingdonkam ban wanrah ia ki ain kiba khlain ban iada ia ki trai ri trai muluk bad ia ka khyndew ka shyiap.

“Kam don jingmut ban kam ba ngi don bun ki hok khlem da ithuh lyngba ka ain. Kane kan buh ïa ka pateng jong ngi kaba mynta bad ka ban sa wan ha ka jingma” u la maham.

Une u nongialam barim ka KSU u la kdew ba bun na ki Hima ki dang hap ban pynbeit ryntih ia ki ain bad ki rukom treikam jong ki bad u la ong, “Ngi ong ba ngi la ioh bor hynrei ha ka jingshisha ki ain bad ki rukom treikam jong ngi ki dang hap ban pynbeit (da ka ain).”
“Kan long ruh kaba eh haduh katta katta ia ngi ban iada ia ka hok bad ka jingmyntoi jong ngi khlem ki Act bad ki Rule kiba biang” u la ong.

U Bah Daniel u la kyrpad ia ki paidbah ka Mawsynram constituency ban ailad ia u ban noh synniang sha ka KHADC na ka bynta ka jingmyntoi jong ki trai ri trai muluk.

Share post:

spot_img
spot_img

Popular

More like this
Related

Khang ki dukan ha Nongpoh ban ai burom khatduh ia u Maheh Dr.DD Lapang

Nongpoh, Nailur 15: Katba ka Jylla Meghalaya ryngkat bad...

Suba sdien phasi ka Longkmie hadien ba pyniap iala ki Khun ha Top Cem

Jowai, Nailur 15 : Kawei ka Longkmie la suba...

Thung ki Pulit ia ka SIT ban tohkit halor ka jingiap I Khynnah ha Nongrah

Shillong, Nailur 15 : Ka Tnad Meghalaya Police kala...

Sngewkhia ka BJP halor ka jingjia ia i Heprit ha Nongrah

Shillong, Nailur 15: Ka Meghalaya Bharatiya Janata Party (BJP)...