Mih ka Wrestling Association of Meghalaya ban kyntiew ia ka jingialehkai ialympat

Date:

Share post:

Shillong, Jylliew 18: Ki nongkilan met bad ki riewpawkhmat ha ki kam ialehkai na ki 6 tylli ki District da ka jingmynjur lang kila seng ia ka Wrestling Association of Meghalaya (WAM) ban kyntiew ia ka jingialehkai ialympat ha ka jylla bad ka jaka treikam jong kane ka seng kan don ha Nongbah Shillong.

Ka jingialang kala pdiang bad pynskhem ia ka riti treikam kaba iasyriem bad ka Wrestling Federation of India bad mynta ka WAM kan pan iaka jingithuh na ka Wrestling Federation of India, Meghalaya State Olympic Association bad na ka tnad Department of Sports & Youth Affairs, Meghalaya kum shi bynta ban kyntiew, pynshlur bad pynlong ia kane ka jingialeh kai ialympat (wrestling) hapoh ka jylla.

Ka WAM kala rai ruh ban pynlong ia ka Coaching bad Training Camp ia kaba yn wan ban ai jinghikai da ka Wrestling Federation of India kumba kala kular.

Ki nongkitkam jongka WAM ki kynthup ia President Bah John F Kharshiing, Vice President Bah Ralden Shabong bad Bah Coverfield Marngar, General Secretary, Bah Sunny P Dkhar, Assistant General Secretary u Bah Rissanwell Lajong bad Bah Reggiful Thongni, Treasurer Bah Johnny Nongrum bad 11 ngut ki Executive Member kiba kynthup ia u Bah Khrawpyrkhat Rashir, Bah Androney Wahlang, Bah Bines Sohshang, Bah Laitbha Wahlang, Bah Kynsai John Nongsiang, Bah Chesterwell Kharbani, Shri. Dipulin Marak, Bah Rangdajied Kharumnuid, Bah Sambormi Lyngdoh, Bah Donbestar Syiemlieh bad u Bah Cores Marwein.

Ki nongialam ka WAM kila iashong pyrkhat ruh ban shim ia ki lad ki lynti ban phah pynrung ia ka jingialehkai ialympat hapoh ka lympung iakob jongka North East Olympic Games kaban sa long ha u Naiwieng 2022 kum shi bynta ban ailad ia ki nonglympat jong ka jylla ban ioh ban sei bad pyni iala ka sap ba kyrpang.

Share post:

spot_img

Popular

More like this
Related

Kem ki Pulit ia 5 ngut ki riewkiengatiar ba rah pistol Russia na Mawsynram

Kurup ia ka ID ka seng National Hynniewtrep People...

Elekshon KHADC | “Ngan ym kular thok I’u paidbah” ong u kyrtong ka NPP ka Langkyrdem

Shillong, Rymphang 09 : U kyrtong ka NPP na...

Manipur CM N. Biren Singh resigns amid political turmoil and Supreme Court probe

GUWAHATI, Feb 9: In a dramatic political development, Manipur...

Manipur | Hiar shuki u Biren Singh kum u CM hapdeng ki jingjia umsnam bad jingtohkit ka SC

Guwahati, Rymphang 09: U Nongthombam Biren Singh ula hiar...