Imphal, Iaiong 22: Uwei u dkhot jong ka Village Defence Force (VDF) jong ka jylla Manipur u la mynsaw hadien ba u kuli ba la siat da ki pulit ban pynpra ia ki paidbhur u la ksam ia u ha Wangjing Tentha ha ka thaiñ Thoubal jong ka jylla Manipur ha ka sngi Ba-ar.
Une uba la mynsaw la tip kyrteng kum u Elangbam Nandbir Singh (40), uba trei kum u Village Defence Force Special Police Officer (VDF SPO) bad ka Alpha Company.
U Singh u la mynsaw na ka bynta jong ka kpoh na ka jingshah siat kuli bad mynta u dang shah sumar ha kawei ka Hospital. Utei u briew uba shong ba sah ha Heirok Part 2, Elangbam Leirak ha ka Thoubal District, la pynkit ia u mar mar sha Raj Medicity Hospital ha Imphal ban ioh ia ka jingsumar.
Katkum ki report, la ong ba katei ka jingjia ka la jia ha ka por ba u Myntri Rangbah ka Manipur u leit jngoh ia ka the southern district jong ka Thoubal.
Katkum ki pulit, ha ka jingleit jngoh jong u Myntri Rangbah ka Jylla, ka kynhun ba bun briew ki riew shimet kiba la rah ryngkat bad ki maw ha kti ha ryngkat bad ki kynja tiar siat ki la iaid sha ka jaka pynlong jingialang da ka jingthmu kaba paw ban pynjulor ia ka ophis jong ka Block Development Office dang shna thymmai.
Wat hapdeng ki jingmaham bad jingkyrpad ba la bunsien da ki pulit, ki paidbah kim shym la sngap hynrei ki ïai bteng ban tur beit, kaba la buh jingma kaba khraw ïa ki mar ki mata jong ki paidbah, ki riew pawkhmat, bad khamtam eh ïa ka lah ban mih ka jingklumar ka ban kath ia ka shongsuk shong sain.
Ki pulit ki la iathuh ba namar ka jingjur ka jinglong jingman, la pyndonkam ia ka bor pahara kaba donkam.
Kum ka lad kaba khatduh, ki pulit kila hap ban siat pynma ban lah tehlakam da kaba bud ryntih ruh ïa ki kyndon ba la buh ban pynpra ïa ki paidbah bad ban khanglad ïa ka jingma kaba lah ban mih.
 jong ka jylla Manipur u la mynsaw hadien ba u kuli ba la siat da ki pulit ban pynpra ia ki paidbhur u la ksam ia u ha Wangjing Tentha ha ka thaiñ Thoubal jong ka jylla Manipur ha ka sngi Ba-ar.){kind=link}