Shillong, Nailar 29: U Advisor ka tnat pule puthi ka sorkar jylla u bah H. M Shangpliang ula iathuh ba ka sorkar MDA kala shim bun ki sienjam naka bynta ka bha ka miat ki nonghikai SSA bad shen kan sa pyllait iaka song pisa kaba T.52 klur ban siew iaka tulop ki nonghikai SSA.
Haba kren sha ki lad pathai khubor hadien ba wai ka ‘Conference cum Felicitation Programme jong ki nonghikai SSA’ u bah Shangpliang ula ong ‘Ka jingpynkhreh iaka tulop naka bynta ki nonghikai SSA kala iaid shakhmat. Ka File kala iaid naka tnat Pule bad hadien bala mynjur daka sorkar ngin sa lah ban pyllait iaka song pisa ba T.52 klur naka bynta ki nonghikai SSA’.
U bah Shangpliang ula iathuh ba nalor ka T.52 klur ka sorkar kala kular ban pyllait iaka Installments jong ki Arrears ba dang sah.
“Iaka Arrears ba nyngkong la pyllait ha u bnai Jylliew bad iaka Second Installment la pyllait mynta u bnai bad ka jingpynkhreh ban pyllait biang iaka tulop ba dang sah ka dang iaid shakhmat” ula ong.
Nalor kane u bah Shangpliang ula ong ruh baka sorkar kan iai trei naka bynta ka bha ka miat ki nonghikai SSA hynrei ka sorkar ka kwah ruh ban iohi ba ka pule puthi kan kiew bha ha ki skul SSA haki snem ban wan.
Pule lang ia kane: Sawa jam ka sur ‘Save Democracy’ ha ka Iingdorbar ka Manipur hapdeng ka huri hura
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
