Imphal, Nailar 29 : Ka Dorbar ba shisngi jong ka Iingdorbar Thaw Ain ka Manipur ba long hynne ka sngi Ba-ar, kala sakhi ia ka huri hura bad ka jingkhynwin namar ka jingpynthut jong ki Dkhot ka Liang Pyrshah ia ka Dorbar.
Ki Liang Pyrshah kila ieng ban pyrta slogan hapoh ka Iing kynthup ia ka slogan ‘Save Democracy’ ne iada ia ka riti synshar paidbah haduh ba u Lamphang ka Iingdorbar ula hap ban pynsangeh ia ka dorbar kumba shiteng kynta eiei.
Kane ka Dorbar ka dei kaba la pynlong da ka jingthmu ban iakren halor ka jinglong jingman hapoh ka Jylla namar ka jingkhie ka thma iapher Jaidbynriew watla bun na ki MLA ka jaidbynrew Kuki, khlem da khein party, kila pep ban wan sha ka Dorbar namar ka jingbym sngew shngain.
Lah ban kdew hangne ba kam shym la don sati aka jingpyni paidbah (live telecast) ia kane ka Dorbar ka Iingdorbar ka Manipur.
Ia ki khubor ba kham bniah yn sa ai kham hadien.
Pule ruh: Weng kam ka kompani Topcem ia ki nongtrei ba pynmih ia ka jingkulmar ha Thangskai
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
