spot_img

Mad jingeh ki paidbah Riangdim bym don surok kali ba biang

Date:

Share post:

Nongstoiñ, Nailar 7: Ka shnong Riangdim ka dei ka shnong kaba jngai tang kumba 12 km ei ei na Shallang, West Khasi Hills District hynrei kam pat don satia ia ka surok kaba biang, kaba la ktah jur ia ka ioh ka kot jong ki nong shongshnong ka thain.

Kane ka Shnong ka dei kaba sah bun eh da ki paid Nongrep kiba im jakpoh da kaba rep ia ki mar rep bapher bapher kynthup ia u Sohphan, Sohpieng, Kwai, Tympew bad kiwei kiwei.

Kane ka Shnong ka dei kaba la ioh ia ka surok PMGSY naduh u snem 2014 hynrei ki Contractor ki khlem lah satia ban pyndep kat haduh mynta mynne, kaba la la wanrah ia shibun ki jingeh ia ki nongshongshnong ha ka leit ka wan, ka kit ka bah bad ka khaii ka pateng.


Kane ka Shnong watla kala don ia ka jingkieng iaid kali, hynrei ki kali haduh mynta ki dang hap iaid na rum jong ka jingkieng namar ka jingbym lah pyndep ia ka surok kaba la da dap da ka ktieh ahor ha kiba bun ki bynta.

U bah S.Dkhar Secretary Shnong Riangdim, ula pyntip baka Shnong kala ioh ia ka surok PMGSY hynrei u Contractor ula shu ieh khlem pyndep shuh naduh u snem 2014 haduh mynta.

“Ngi ki Nongialam Shnong ryngkat bad u MLA ka Mawshynrut Bah Gigur Myrthong, ngi la dep wan ujor shaduh u Myntri Rangbah ka Jylla pyrshah ia u Contractor” ula iathuh haba bynrap “Ngi kyrmen skhem ba ka Sorkar bad u MLA kin shimkhia lang ha kaban pynioh noh ia ka surok rong ba paka”.

Ka jingbym don ka surok kaba biang, kala pynlong ia ki nongshongshnong jong kane ka Shnong ka West Khasi Hills, ban shu die katba lah iew ia ki mar tang ban nym lehnohei ka jingtrei shitom.

Kane kala plie lad ruh ia ka jingshim kabu jong ki Nongkhaii mar rep ha ka dor ka mur, kiba la leit shim ia kine ki mar rep ban pyniaid iew sha kylleng ki Iew ba don marjan ka thain.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img