Kynnoh ka KSU ba trei tang dep u Contractor ïa ka skhim PMAY

Date:

Share post:

Nongstoiñ, Nailar 7: Ka KSU – Mawshynrut ka la kynnoh ba uwei u Contractor ula trei tangdep bad iehshrah ia kiba bun ki Iing kiba ula pyntrei na ka skhim PMAY ha ka shnong Mawkhumkha, kaba hap hapoh ka Mawshynrut Civil Sub Division.

Kane ka jingkynnoh kala mih hadien ba ka KSU hapoh ka jingialam u President, samla Armstrong Sohshang kala leit jurip ba lap dalade ia ka jingtei tangdep rukom jong une u Contractor, kaba long kat kum ka jingujor jong ki Nongioh skhim bad ki nongialam shnong.

Ki Nongialam ka KSU ki iathuh ba ki Iing PMAY bala shu ieh khlem pyndep ki don haduh 7 tylli bad ki dei kiba la pyntrei da uwei u Contractor ba kyrteng u Bah Gerald Tynhiang.

“Ha ka jingjurip jong ngi, ngi la lap ba u Contractor ula shu trei tang dep bad ieh shiteng ia kine ki Iing khlem da trei pyndep shuh” ong une u Nongialam ka KSU haba pyntip ba une u Contractor ula dep ruh ban sei lut ia ka pisa bala mang ban shna ia kine ki Iing na ka Ophis u Block Development Officer (BDO).

“Ngi dap da ka jingsngew lyngngoh ba kumno ka Ophis u BDO ka pyllait ia ka pisa baroh (1st Installment bad 2nd Installment)” ong u samla Armstrong.

Une u Nongialam ka KSU ula iathuh ba ki nongioh skhim kila phla ruh ba kila leit ban iakynduh la bunsien ia u Contractor ban kyrpad pyndep noh ia ki Iing jong ki hynrei la kynnoh ba une u briew ula byrngem kylla ia ki.

U Sordar ka Shnong bah J Nongbak ula pynpaw ia ka jingbynniaw kaba jur halor ka jingkhein sting une u Contractor bad ong ba kane ka jingleh jong u, ym tang ba kan pynduhnong ia kitei ki Longiing hynrei ia ka shnong baroh kawei namar ka Ophis u BDO kan nym ai shuh ia ka skhim PMAY katba ym pat lah pyndep ia kine ki Iing.

Une u Nongialam Shnong u pyntip ba ka Dorbar Shnong kala dep pyntip ia kane ka jingleh u Contractor sha u BDO ia kaba u BDO ula kular ban sa phah trei pyndep noh ia kine ki Iing hapoh ka 15 sngi. “Hynrei mynta la shi bnai tam, ym shym la don dak satia ban leh eiei” ula ong haba bynrap “Dei namat kata b aka Shnong kala ai jingtip sha ka KSU ba kan tuklar”.

Ka KSU kala dawa ia u BDO ba u dei ban hukum ia u Contractor ban trei pyndep noh shaid shaid ia ki kam. “Ngi ruh ngim ym shong kli kti noh hynrei ngin iai buddien haduh ban da pyndep ia kine ki Iing baroh” ong ka KSU.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...