Lute ki runar niah thuk thuk T. 2 lak na u nonghikai skul ha Nalbari, sakhi lyngba ka CCTV

Date:

Share post:

Guwahati, Nailar 02 : Ha ka jingjia ka ba pynkyndit ia ki ba bun balang, arngut ki runar ki ba niah da ka thuk thuk ki la lute na uwei u briew ha ka por mynsngi mynshai ha ki bynta jong ka Nalbari, Assam ha ka jingjia ka ba la jia ha ka 30 tarik u bnai ba la dep.

Kane ka jingjia ka la jia ha ki bynta ka Bardhantali jong ka district. La iathuh ruh ba kane ka jingjia ka la wan jia hadien ba u Hasir Ali u ba dei u nonghikai skul u la leit ban sei ia ka pisa T.2 lak napoh ka bank SBI hadien ba u la ngat ha ka jingshah thombor ha ki arngut ki runar ki ba la wan da ka thuk thuk ki ba la pyrshang ruh ban knieh jubor ia ka pla ka ba u rah.

Ia kane ka jingjia baroh la sakhi ruh lyngba ki dur na ka CCTV camera. Lyngba ki dur video ba la ioh ring la iohi ia u Ali u ba la shah patan ha madan katba u dang pyrshang ban khanglad ia kine ki runar ba kin ioh lute.

Kine ki runar ha ka ba khatduh ki la ioh ban knieh ia kane ka pla ka ba don ia kane ka pisa bad phet krad noh na kane ka jaka.

Halor kane ka jingjia na ka liang u Ali u la leit ban ujor da ka FIR hapoh Nalbari Police Station. Na ka liang ki bor pulit ki la sdang ban pynlong ka jingthwet ban ioh kem ia kine ki nong lute.

Ha kawei pat ka bynta, arngut ki runar ki ba dei na Mewat ki ba donkti ha ka ba lute napoh ki ATM ki la shah kem noh ha ki bor pulit ba kyrpang na ka tnat pulit ka Delhi hadien ka jingiather kuli ka ba la neh katto katne por ha ka nongbah jong ka ri, ong u heh pulit ha ka 31 tarik u Naitung ba la dep.

Na ka liang u Dy. Commissioner of Police (Special Cell), u Jasmeet Singh u la ong ba ka kynhun ba kyrpang ka tnat pulit ki la pynlong ka jingthwet ka ba jur ia ka kynhun runar ka ba dei na Mewat ka ba donkti ha ka ba lute na ki ATM.

“Na ka liang ka tnat pulit ka la ioh ia ka jingtip ka ba bniah halor ka leit ka wan jong ka kynhun bad ia ki kam pyntriem jong ki ha ki bynta ka South Delhi mynta lah kumba katto katne por. Kumta ruh na ka liang ki pulit ki la pynlong ka jingbeh thong bad ioh kem noh ia arngut na kine ki runar,” ong u DCP.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...