spot_img

Ioh jingiarap ki lanot ba shah pyniap kmie kpa lyngba ka CM Sishu Seva Scheme

Date:

Share post:

Boko, Nailar 02 :Arngut ki khynnah rit, u Tuesbar R Marak (9) bad ka Joreka R Marak (7 snem rta), ki ba la lait im na ka jingjia shah pyniap ba triem ki kmie ki kpa jong ki hapoh ka shnong Satekona ka ba hap hapoh Boko police station ha Kamrup district ka Assam ki la ioh pdiang ia ka jingiarap pisa na u Myntri Rangbah (CM) ka Assam u Himanta Biswa Sarma lyngba ka Chief Minister’s Sishu Seva Scheme (Phase-II) ha Guwahati ha ka sngi U Blei ba la lah.

Ia kine ki khynnah yn pynbiang ia ka tulop ka ba man la u bnai lyngba kane ka skhim ka ban long T.3,500 shi bnai, kata lyngba ka sut na ka fixed deposit ba la thep ha ki kyrteng jong ki, ka ba long T.7.67 lak.

Kane ka tulop lyngba ka income monthly scheme (MIS) kan iai bteng tad haduh ba kin da kynjoh sha ka rta 24 snem.

Ki runar ki la pyniap dusmon ia u kpa bad ka kmie jong ki, u Moinod D Sangma bad ka Salje R. Marak bad bret ia ki met iap jong ki hajan ka pung ka ba don marjan ha ka miet jong ka 1 tarik u Nailur 2021.

Halor kane ka jingjia la rejistar case hapoh Boko Police station hapoh ki kyndon bapher bapher. Arngut ki briew ki la shah kem noh halor ka jingdonkti ha kane ka kam pyniap. Naduh katei ka sngi ba la jia ka jingshah pyniap, u Tuesbar R Marak u la shong la sah ba ka kmiesan jong u, ka Selia D. Sangma ha ka shnong Goalkona ha Boko, katba ka Joreka R Marak ka la shong la sah ha ryngkat ka kmie ieit ka Marbina R. Marak bad u kpa ieit jong ka u Priting R. Marak ha ka shnong Satekona.

U Tuesbar u dang pule ha ka klas 2 hapoh Gohalkona Lower Primary school katba ka Joreka R Marak ka dang pule ha ka klas 1 hapoh Hantaikona Lower Primary School.

Na ka liang u Clearson R. Marak u ba dei u mama jong u Tuesbar bad ka Joreka u la pynpaw ka jingkmen ka ba khraw na ka bynta u CM ka Assam bad ong ba baroh kawei ka longiing bad ka shnong hi baroh kawei kin ym klet ia ka jingiarap ka jong u na ka bynta kine ki khunswet.

Na ka liang u Sarma u la pynioh ruh ia ka jingiarap pisa na ka bynta ki phra ngut kiwei pat ki khunswet ki ba la duh noh ia la ki jong ki kmie ki kpa na ka jingpang Covid-19. Kine ki khynnah ki ba la ioh pdiang ia kane ka jingiarap pisa ki kynthup ia u Manjeet Baro, Taslima Khatun, Raju Chouhan, Annas Ali, Arjun Pegu, Shiba Pegu, Shivani Pegu bad ka Priyanka Kalita.

Na ka liang u Myntri ka tnat Cultural Affairs ka jylla, u Bimal Bora, u MP ka Rajya u Pabitra Margherita, u Chief Secretary u Jishnu Barua lem bad kiwei pat ki heh sorkar ki la ia don lang ha katei ka sngi ba la sam ia kine ki jingiarap.

Share post:

spot_img
spot_img

Popular

More like this
Related

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...

Plie ka DGP ia ka jingkhang ban sngap ia ki jingeh bad jingai jingmut ki paidbah

Shillong, Jymmang 30: Kum shi bynta ban tei iaka...
spot_img