spot_img

Lute ki runar niah thuk thuk 2 lak tyngka na ka longkmie ha Bajali, Assam

Date:

Share post:

Bajali, Naitung 27: Hynnin ka sngi ba Ar arngut ki runar ki ba shong da ka thuk thuk ki la knieh noh ia ka pisa T. 2 lak na kawei ka longkmie hajan Bhattadev University hapoh Pathsala jong ka Assam.

Ia kane ka longkmie ka ba shah lute la tip kum ka Anjali Choudhury ka ba dei na ka shnong Kumarpara ka ba hapoh Bajali District.

Na ka liang ki trai shnong ki la iathuh ba kane ka longkmie ka la mih napoh Union Bank of India hadien ba ka la leit ban sei ia katei ka pisa. Hynrei katba ka dang don ha ka lynti ban leitphai sha la iing ha ryngkat kane ka pisa ka ba ka la thep hapoh ka pla, kine ki runar ki ba la wan da ka thuk thuk ki la wan ieng kynsan hajan jong ka bad knieh noh ia kane ka pla bad jah rngai noh.

Watla ki briew ki ba don marjan ki la pyrshang ban pynsangeh ia kane ka thuk thuk hynrei kim shym la lah satia namar kine ki nonglute ki la pynher sted hadien ba ki la leh ia kane ka kam lute. Halor kane ka jingjia la pyntip ruh sha ki bor pulit ki ba la shim ia la ki jong ki sienjam.

Ki ba kum kine ki jingjia ki la ju jia khah khah ha ki bynta jong ka Bajaji district naduh kine ki khyndiat taiew ba la lah.

Namar kane ka jingkiew jong ki kam pyntriem, na ka liang ki paidbah nongshong shnong mynta ki la dawa jur na ki bor pulit ba kin pynjur ia ka jingpahara bad ruh ban long ki ba peitngor khnang ban lah ban khanglad ia ki ba kum kine ki jingjia.

Share post:

spot_img
spot_img

Popular

More like this
Related

Iap hashen uwei, mynsaw jur uwei ba aksiden kali

Nongpoh, Nailur 13: Uwei u briew ula iap hashen...

SPL | Khlem ailad ka Shillong Lajong ia ka Langsning FC | Kut ka jingiakhun da ka jingiakhaid

Shillong, Nailur 13 : Ka jingiakhun Super Saturday Match...

Jingialang Sngewlem u Dr Lapang | Duhnoh ka NPP ia u nongaibuit, nongai mynsiem bad nongbtin lynti

Shillong, Nailur 13: Ka National People Party (NPP), hadien...

Sngewlem ka BJP ba iap noh u Dr Lapang | Duh noh ka Meghalaya ia u nongialam ba shisha

Shillong, Nailur 13 : Ka Bharatiya Janata Party (BJP)...