Shillong, Lber 15: Ka Comptroller & Auditor General (CAG) kala sei madan ia palat 250 tylli ki jingjia die tuh ia ki nombor tim ha kine ki hynriew snem bala leit noh bad ai jingmut ia ka Sorkar ban leh tyngeh ia ki Ophisar ki bym lum kuna na ki bookmaker/Organizer, kiba pynkhein ia ki kyndon jong ka Ain.
Kane ka long kat kum ka kaikhlaw jong ka CAG halor ka jingiohlum pisa jong ka Jylla na ka bynta u snem ba kut ha ka 31 tarik Lber 2023, kaba la wanrah ha ka Dorbar Mang Tyngka ba dang shu kut jong ka Iingdorbar Thaw Ain.
“Hapdeng u snem 2017-18 haduh 2021-22, haduh 250 tylli ki jingjia die tuh iaki nombor tim la shem ha ka jingtohkit ha u pud u sam jong ki phra tylli ki ST office” ong ka kaiphod.
“Ka Audit kam shym la shem satia ia kano kano ka jingthoh ban pynpaw ba ka Tnad kala shim ia ka sienjam ban dain kuna na ki bookmakers (nongdie nombor) ba khlem ioh jingbit, kiba la dep ban ithuh. Ka jingbym dain kuna kala wan lam ia ka jingduh ia ka kuna kaba kot haduh T. 12.50 lak” kala bynrap.
Ka Tnad kala pynpaw ba ia ki dukan thoh tim ba beain la ai jingmut ba kin register noh ialade hapoh ka MRGAS&STT Act, 2018.
Ka CAG ka ong ba kane ka jubab kam iahap satia naba ka kyndon 13 (1) jong ka MRGAS&STT Act, 2018, kala kren shai ban dain kuna beit ia ka jingdie numbor tim khlem da ioh jingbit.
 kala sei madan ia palat 250 tylli ki jingjia die tuh ia ki nombor tim ha kine ki hynriew snem bala leit noh bad ai jingmut ia ka Sorkar ban leh tyngeh ia ki Ophisar ki bym lum kuna na ki bookmaker/Organizer, kiba pynkhein ia ki kyndon jong ka Ain.){kind=link}