Shillong, Lber 15: Ka Comptroller & Auditor General (CAG) kala ai jingmut ia ka Sorkar Jylla ba kan pynkynriah lut ia baroh ki dukan thoh tim ba hapoh 100 meteer najan ki jaka pule bad ki jaka mane blei.
“Ka Tnad ka dei ban pynthikna ha kaban pynkynriah ia baroh ki dukan thoh tim kiba don hapoh 100 meter na ki jaka jaka pule bad jaka mane blei” ong ka CAG ha ka kaiphod halor ka jingioh lum pisa ka Jylla na ka bynta u snem ba kut ha ka 31 tarik Lber, 2023, kaba la wanrah ha ka Dorbar Mang tyngka ba dang shu kut jong ka Iingdorbar Thaw Ain.
Hapoh ka kyndo 6 (1) jong ka Meghalaya Regulation of the Game of Arrow Shooting and the Sale of Teer Tickets (MRGAS&STT) Act, 2018 (as amended in 2019), ki dukan thoh tim ki dei ban don ha ki jaka ym duna ia ka 100 meter najan ki jaka mane blei ne ki jaka pule.
Ha ka jingleit pynshisha marmet, ka Audit kala leit jurip ia 42 tylli ki dukan thoh tim ha ki 6 tylli ki jaka, bad shem ba 31 tylli kila treikam ha ki jaka kiba la mana, ong ka kaiphod.
 kala ai jingmut ia ka Sorkar Jylla ba kan pynkynriah lut ia baroh ki dukan thoh tim ba hapoh 100 meteer najan ki jaka pule bad ki jaka mane blei.){kind=link}