Kyntu u Vice President ban kyntiew ia ki jaka jngohkai lajong’: Ka NE ka paradise ia ki nongwan shangkai

Date:

Share post:

New Delhi, Naitung 26:U Vice President ka India, u M. Venkaiah Naidu hynne ka sngi u la khot ia ki nongshong shnong jong ka ri ba kin jied nyngkong ia ki jaka jngohkai ki ba don hapoh la ka jong ka thain (domestic tourism) bad ruh ban wad jingtip sha baroh ki bynta jong ka ri hashwa ba kin jied ban leit shabar jong ka ri.

Da ka ba iai ban halor ka jingdonkam ban kyntiew ia ka kam jngohkai hapoh ka thain shatei lammihngi jong ka ri (North East), u Naidu u la ong ba ki jingiamir jingmut lang ki ba khah khah hapdeng ki nongshong shnong kan lah ban pynkhlain ia ka jingiatylli bad ka jinglong kawei hapoh ka ri ka jong ngi.

Ia kane u Vice President u la pynpaw ha ka jingiamir jingmut bad ki nongwan iashim bynta ha ka expedition – ‘North East on Wheels’ ha ka ba ka kynhun jong ki 75 ngut ki nongniah thuk thuk ka ba kynthup ia 5 ngut ki kynthei na ki 18 tylli ki jylla ki la pynlong ka jingiaid lynti sha baroh ki phra tylli ki jylla jong ka thain North East.

U Naidu u ba la pynkynmaw ruh halor ka jingleit jngoh ba dang shen ka jong u sha baroh ki jylla ka thain North East, u la ong ba kane ka thain ka don ia ki jaka ki ba itynnad shibun, ka jingriewspah ha ka kolshor bad ka jingdon akor jong ki briew ka ba la pynlong ia kane ka thain North East ka paradise ne ka bneng na ka bynta ki nongwan shangkai pyrthei.

Nalor kata u la pynpaw ruh ba wat hapdeng ka jingriewspah ka ba kane ka thain ka don ban tyrwa, hynrei ki ba bun ki briew kim pat tip bha shaphang jong ka. Kumta ruh u kyntu jur ia kito ki briew ki ba sngewtynnad ha ki kam shangkai ba kin wan jngoh ia kane ka thain North East, ban sakhi ia ka jingitynnad jong ka bad ban sakhi ruh ia ki kolshor bapher bapher ka ba ngi don.

Da ka ba ai ka jingiaroh ia ka thain North East halor ka jingkdew lynti na ka bynta ka ri ha ka ba iadei bad ka rep tynrai ne ‘organic farming’ u Vice President u la aijingmut ba kiwei pat ki jylla ruh ki dei ban bud ia kane ka jingpyrshang ka ba bha tam jong ka thain North East na ka bynta ka rep ka riang ka ba neh.

Shuh shuh u Naidu u la pynpaw ruh halor ka jingnangkiew ha ki kam karkhana hapoh ka thain North East, khamtam ha ka ba iadei bad ki jingpyniasoh da ka ba ong ruh ba kine ki jingpyrshang ki la plie ia ki lad ki lynti halor ka jingkiew irat hapoh kane ka thain North East.

Da ka ba ai ka jingiaroh ia ki nong pyniaid ia kane ka expedition, u Naidu u la ai ka jingiaroh ia ka jingpynleit jingmut ka jong ki halor ka mat ka ba iadei bad ka jingshngain ha ki lynti surok.

Ha ba pynpaw ka jingsngewkhia halor ka jingduh jong ki mynsiem briew na ki jingjia tyngkhuh kali hapoh ka ri India man la ka snem, u Naidu u la khot na ka bynta ban shim ia baroh ki sienjam ban pynduna ia ki ba kum kine ki jingjia.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...