Kyntu ka Womens Commission ia ka Sorkar ban pynkhlain ia ka Forensic Lab ha Jylla

Date:

Share post:

Shillong, Naitung 07: ka Meghalaya State Womens Commission (MSCW) kala ai jingmut ia ka Sorkar Jylla ba ka dei ban pynkhlain noh ia ka Forensic Science Laboratory ha Jylla.

Ka MSCW kala aiti da ka jingthoh sha u Myntri kam Pohiing ka Jylla ma Lahkmen Rymbui ban buh hakhmat ia kane ka jingai jingmut lem bad kiwei kiwei, ki ban iarap ia ki Pulit ha ki jingtohkit ia ki kam thombor pyrshah ia ki Kynthei bad ban pynthikna ba ki nongshah thombor kin ioh ia ka jingbishar kaba hok.

“Nga la iohpdiang ia ka shithi na u Chairperson ka MSCW Kong Phidalia Toi ha ka 5 tarik Naitung. Ka Commission kala ban jur ia ka jingdonkam ban pynkhlain ia ka jingtohkit haba iadei bad ki kam thombor ia ki Kynthei bad ki Longkmie hapoh ka Jylla” ong u Ma Lahkmen haba iakren bad Ka Shlem.

Haba kylli, u Myntri u pyntip ba ia kane ka shithi jong ka MSCW la phah sha ka Tnad Meghalaya Police ba kan peit bad leh ia kaba donkam.

“Ka MSCW kala ai jingmut naka bynta ban iarap ia ki briew kiba don hapdeng ka jingeh bad kala ban jur iaka jingdonkam ban pynkhlain iaka FSL haka jylla. Ka sorkar jylla kala dep ban shim ia ka rai ban pynkhlain noh iaka FSL bad ki kam ki jam mynta ki dang iaid shakhmat halor katei ka bynta” ong u ma Rymbui.

Ka MSCW haka shithi kala pyntip ba ka Commission kala leit jurip ia ki Women Police Station kiba don ha East Khasi Hills bad ka thong jong kine ki Police Station ka long ban ai jingiarap ia ki kynthei khamtam ha kaban tohkit bniah ha kaba iadei bad ki jingjia thombor pyrshah ia ki kynthei bad longkmie.

Nalor kane, kala pynpaw ia ka jingdonkam ban pynkhlain iaka FSL namar kam pat long kaba biang bha ne ban don iaka DNA Testing Unit kaba long kaba kongsan tam ha ka jingtohkit haba don kino kino jingjia kiba iadei bad ka jingshah batbor ne jingshah leh be-ijot ki kynthei.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...