Kyntait ka kashari ka Arunachal ia ka jingkyrpad jamin u MLA ka BJP u ba shah kynnoh leh beijot

Date:

Share post:

Itanagar, Naitung 19 :Ka kashari ha Arunachal Pradesh ka la kyntait ia ka jingkyrpad jamin jong u MLA ka BJP ha Arunachal Pradesh, u Lokam Tassar u ba la shah kynnoh donkti ha ka kam leh beijot.

Une u MLA ka BJP u dei u ba mihkhmat napoh Koloriang constituency ha Arunachal Pradesh. U Tassar u la shah kynnoh donkti ha ka ba leh beijot ia ka longkmie armet 24 snem rta hapoh ka iingsah jong u ha ka nongbah Itanagar ka ba la jia ha ka 4 tarik mynta u bnai.

Une u MLA mynta u la don hapdeng ka jingphet rieh naduh ba u la shah ujor FIR khnang ba un lait na ka jingshah kem.

Ha ba pynsngew halor katei ka jingkyrpad jamin, u nongbishar u Gote Mega u la ong, “Ka jingdon bynta jong u nongkyrpad bad ka lanot ha ka jaka ba la jia ka dei ka ba la pynshisha kumba ka long mynta.”

“La ia katei ka kam kumba la kynnoh la leh ne em ha katei ka sngi ka shong sa ha ki jingpynshisha lyngba ki sakhi satar ki ba biang ia ki ba ym pat lah ban rai ia mynta hi.”

Ka iingbishar ka la ong ruh ba kumba ka long mynta ka donkam ia une u nongkyrpad ba un wan shakhmat da lade hi na ka bynta ban shah tohkit hapoh ha u IO (investigating officer) u ba khmih ia kane ka case kloi katba lah.

Kumba ka long mynta na ka liang ki bor pulit ka Arunachal Pradesh ki la ong ba ki la pynlong ka jingthwet ka ba jur ban ioh kem ia une u MLA ka BJP.

Ha kawei pat ka liang, na ka liang u Myntri Rangbah (CM) ka Arunachal Pradesh u Pema Khandu u la ong ba ka BJP kan shim ka jingpynshitom pyrshah ia une u MLA u ba shah kynnoh donkti, kata lada lap ba kine ki jingkynnoh pyrshah ia u ki long ki ba shisha.

“Ka ain kan shim ia la ka jong ka bynta bad ym don ki ba halor jong ka ain,” ong u CM ka Arunachal Pradesh

Share post:

spot_img

Popular

More like this
Related

Police on the hunt to arrest culprits behind murder of 2 persons at Ichamati

SHILLONG, MAR 28: The state police are yet to...

Iohksai ki Pulit ia ki briew ba bomiap ia ki bar Jylla ha Ichamati

Shillong, Lber 28 : Ki Pulit ka East Khasi...

Elekshon Lok Sabha | Rai ka Mawlai Syllaikariah ban ‘boycott’ iaka elekshon

Shillong, Lber 28 : Ka Dorbar Shnong jong ka...

Lok Sabha 2024 | Shong bishar u CS ia ka suk ka sain ha Jylla bad thain khappud

Shillong, Lber 27 : U Chief Secretary ka Jylla...