Shillong, Risaw 29: Ka Khun Hynniewtrep National Awakening Movement (KHNAM) kala kynnoh ia u Executive Member (EM) ba khmih ia ka Tnad Trade ha Khasi Hills Autonomous District Council (KHADC) ba u ai ka jingkren ba thok bad ialam bakla ha ka Dorbar ba dang shu kut jong ka Council.
Kat kum ka jingong u Working President ka KHNAM Bah Thomas Passah, u EM ula kam ba ka jingai wai ia ki khyrdop ka Tnad Trade la leh halor ki aplikeshon bala ioh pdiang na ki briew. Hynrei, ka jubab ia ka Right To Information (RTI) bala pan da ka Movementla shem ba kane kam long satia kumba iathuh.
Ka jubab RTI, ba 22 tarik Nailur 2025, ka pyni ba na ki 16 tylli ki aplikeshon ba ioh pdiang da ka KHADC< tang 4 tylli la ai work prder. Nalor kata, 6 tylli ki work order la ai sha ki briew ki ba khlem thep aplikeshon.
U Bah Passah ula kynnoh ba ki jingkren u EM ka dei kaba shukor bad ialam bakla bad dawa ia ka jingpynshai na u EM ba khmih ia ka Tnad Trade.
“Kat kum ka jubab RTI, la paw shai ba 4 tylli ki work prder la ai sha ki briew kiba la aply bad 6 tylli ki work order la ai sha ki briew ki ba khlem thep aplikeshon, kaba pyni shai ba ka jingkren u EM ba khmih ia ka Trade hapoh ka Iingdorbar ka dei kaba shukor bad ialam bakla” ula ong.
“Ngi la aiti da ka jingthoh halor kane ka kam bad dawa ia ka jingpynshai na u EM ba khmih ia ka Tnad Trade. Ngi dawa ruh ba ia kine ki khyrdop baroh dei ai thymmai biang lyngba ka lynti kaba shai bad ka rukom pyniaid kaba khuid, kaba kynthup ia ka jingkhot tender lyngba ka advertisement ha ki kotkhubor bad ka jingbishar ia ki kot tender lyngba ka Open Tender system” bynrap u Bah Passah.
 kala kynnoh ia u Executive Member (EM) ba khmih ia ka Tnad Trade ha Khasi Hills Autonomous District Council (KHADC) ba u ai ka jingkren ba thok bad ialam bakla ha ka Dorbar ba dang shu kut jong ka Council.){kind=link}