Tura, Naitung 23: Ka farmhouse jong u Nongialam bad MDC ka BJP na Tura Bernard N Marak ba ju khot sin u Rimpu, kaba la shah khynra hynin ka miet haduh hynne ka step phyrngap ha ki Pulit ka Tura, kala paw ba kala kylla long pynban ka jaka khaii met bad kaba pyniaid ia ki kam awria ia ki Khynnah.
Kane ka khynra kala lam ruh sha ka jingiohbat ia bun ngut ki samla kynthei bad shynrang na kane ka jaka bad ka jingioh kurup haduh 500 tylli ki condom nalor ki tiar pynmynsaw ba kynthup ia ki crossbow bad ki wait khukri.
Kane ka kam bymman kala sdang ban paw pyrthei da ka jingujor ejahar ha ka 28 tarik Rymphang 2022, da ki bahaiing jong kawei ka Khun Kynthei ba dang rit ka rta, kaba la jah nala iing haduh shitaiew bad lap pynban ia ki ba kala shah pynjot ka longryngieng ha kane ka jaka une u MDC ka Tura.
Kane ka Khynnah kala pyntip ha Iingkashari ba kumno kala shah ialam sha kane ka farmhouse da uwei u briew bad uwei pat u paralok jong u ha kaba kila leh beijot bunsien ia ka hapoh ka shitaiew shuwa ka jinglap jong ki bahaiing hasem. Ia kane ka case la register hapoh ka Women Police Station.
Na kane ka jingjia, ki Pulit kila sdang ban ngam jylliew ia ka jingtohkit kaba lam sha ka jingkhynra ba hynnin ka miet bad ka jingiohkurup ia bun bah ki jingdih buaid, ki kali, ki condom, ki wait khukri bad ka jingiohkem ia 60 ngut ki briew kynthup ia 26 ngut ki Kynthei.
