North Lakhimpur, Nailar 10 : Hynriew tylli ki masi ba ia khleh (hybrid) ki la shah thombor dusmon ha ki runar ki ba la pyndonkam da ki tiar ki ba nep hapoh kawei ka jaka ri masi ha Lakhimpur district ka ba don ha khappud bad ka Arunachal Pradesh.
Kane ka jingjia ka la jia hapoh ka jaka ri masi jong u Bijay Bhuyan ha Pathali Pahar ka ba don ha khappud ka Assam-Arunachal ha Lakhimpur district.U Bhuyuan u la shem ba baroh ki masi jong u hapoh ka sem ki la thiah lyngkrang hapdeng ka jinglyngkien jong ka snam hynnin ka step sngi ba Ar bad shem ba artylli na kine ki masli ki la dep iap.
U Bhuyan u la iathuh lyngba ki lad pathai khubor da ka ba ong ba kiwei ruh ki masi ki ba la shah thombor kin ym lah shuh ban im namar ka jingmynsaw ka ba jur.
Ia mynta hi ym pat lah ban tip thikna mano ba donkti ha kane ka kam thombor, hynrei la kynnoh ba ki runar ki ba donkti ha kane ka kam pyntriem ki dei na shiliang khappud.
Ka jingiakynad pud hapdeng ka Arunachal bad ka Assam khah khah ka ba pynmih ia ki ba kum kine ki jingjia shah thombor.
